Үндэсний статистикийн хорооноос энэ оны дөрөвдүгээр сарын инфляцын статистик мэдээллийг өнөөдөр танилцуулав.
2023 оны дөрөвдүгээр сард инфляц 11.3 хувь гарсны 4.7 нэгж буюу 41.6 хувиар хүнсний бүлэг нөлөөлж байна. Харин импортын барааны үнэ 42 хувиар нөлөөлжээ. Тодруулбал, инфляц 11.3 хувьтай гарахад импортын хүнс 0.7 хувийг, импортын хүсний бус бараа 4.1 хувийг эзэлсэн байна.
Мөн инфляц 11.3 хувь болоход талх, гурил, будааны үнэ жилийн 31 хувь өссөн буюу 2.2 нэгж хувиар, хувцас, бөс бараа, гутлын үнэ жилийн 13.2 хувь өсөж, 1.5 нэгж хувиар нөлөөлжээ.
Зарим бараа, үйлчилгээний үнэ өмнөх жилээс өссөн үзүүлэлттэй гарч байгаа аж. Жишээлбэл, хүсний бараа, ундаа усны үнэ 17 хувиар, хувцас, бөс бараа, гутлын үнэ 13.2 хувиар, орон сууц, ус, цахилгаан, түлшний үнэ 6.7 хувиар, зочид буудал, нийтийн хоол, дотуур байрны үйлчилгээ 24 хувиар жилийн өмнөх үеэс өссөн байна.
Доорх 10 бүтээгдэхүүн нийт инфляцад 27.7 хувьтай оролцсон хэмээн тайлбарлав. Мөн дөрөвдүгээр сарын инфляцын 3.1 хувийг эзэлж байгаа аж.
