Санжийн Баяр гэх хаягтай цахим хэрэглэгч Хууль зүйн сайд Х.Нямбаатарт хандан “сайд аа, асуух юм байна. 2009 оны ОТ гэрээнд хуумгай заалт нь яг юу юм? УИХ-ын 57-р тогтоолд бүхнийг нийцүүлэх гэж манай ЗГ зүтгэсэн. ОТ гэрээнд гэхээсээ эл гэрээний хэрэгжилтийн хяналтад дараа дараагийн ЗГ-ууд хуумгай хандсан учраас сөрөг олон асуудал үүссэн гэж ойлгодог. Би буруу ойлгоод байна уу? Юутай ч “Орано”-тэй хийсэн ХО-ын гэрээний төсөл боловсруулах чухал үүрэг хүлээж буй танд амжилт хүсье” гэжээ.
Харин түүний энэ зурвасны хариуд Х.Нямбаатар өөрийн цахим хуудсаар дамжуулан “Энд тодотгож хэлэхэд ОТ гэрээ хуумгай биш “Хуудуутай” гэрээ болсон.Олон нийтийн зүгээс Орано групптэй хийх ХО-ын гэрээг байгуулахдаа ОТ гэрээ шиг хуумгай хандаж болохгүй” гэдэгт ОТ гэрээний ямар нэгэн хуумгай заалт гэсэн агуулга байхгүй. Хуумгай заалт гэвэл жичид нь ярьж болно.
ОТ гэрээ гэдэгт Оюу толгой төслийн Хөрөнгө оруулалтын гэрээ, Нэмэлт өөрчлөлт оруулсан, дахин тодотгосон хувь нийлүүлэгчийн гэрээ, Далд уурхайн бүтээн байгуулалт, санхүүжилтийн нэмэлт төлөвлөгөө, Менежментийн гэрээ зэрэг баримт бичгүүдийг хамтатган ойлгож байна. Энд тодотгож хэлэхэд ОТ гэрээ хуумгай биш “Хуудуутай” гэрээ болсон. УИХ-ын 57 дугаар тогтоолоор Засгийн газарт өгсөн чиглэлийг тухайн үеийн Монголын талын төлөөлөл бүрэн хангаж ажиллаагүй, тухайн үед хүчин төгөлдөр мөрдөгдөж байсан хуулийн зарим заалтыг зөрчсөн, хөрөнгө оруулагч талд давуу байдал олгосон гэх дүгнэлтүүд шалгалтын явцад гарч байсан.
“20 000 хувьсагчтай” санхүүгийн загвараас шалтгаалж өнөөдрийг хүртэл ТУЗ дээр жил бүрийн санхүүжилтийн төлөвлөгөө батлахад хүндрэл үүсдэг. 34 т ногдох үүссэн зээлийн төлбөрийг тэглэх хүртэл төслийн үйл ажиллагаа хэдэнтээ зогсож, гацаж байсныг санах хүн олон болов уу. Анхнаасаа олон улсын зөвлөх үйлчилгээ аваад дорвитой хэлэлцээр хийсэнсэн бол өдийд бид дахин дахин хэлцэж хэрэлдэхгүй явах байсан биз” гэх хариултыг өгчээ.
