Сая хөдөө явж байтал энэ самбар гарахаар нь машинд хүүхдүүддээ: “Энэ хар аа. Манай Монголын мал нь хүртэл ийм ухаантай, өөрсдийгөө хамгаалах гээд мах аваад сууж байна ш дээ” гэсэнд бөөн инээдэм болцгоов.
Бэр зөрүүлээд “Тэгвэл яаж бичвэл зөв болох вэ?” гэнэ. Маш зөв асуулт, шүүмжлэх амархан, зөв хувилбарыг нь хэлж өгөх нь чухал.
Цэвэр техник талаас, S-O-V гэсэн монгол хэлний бүтцээр бодвол яах аргагүй “мал” гэх үйлийн эзэн л “мах” хэмээх үйлэнд өртөгчийг авах гээд байгаа мэт харагдана. Гэвчиг үнэн хэрэгтээ ямар ч монгол хүн тэгж ойлгохгүй л дээ. Тэр доорх утасны эзэн л малыг, бас махыг авах гээд байгаа нь тодорхой. Тэгэхээр энэ бол эзэн биегүй, харин хоёр шууд тусагдахуун зэрэгцэж орсон өгүүлбэр байна.
Өгүүлбэрийн зэрэгцсэн гишүүдийг кирил монгол үсгийн дүрэмд таслалаар салгаж өгнө. Тэгэхээр “Мал, мах авна” гэх ёстой байх нь. Ганц энэ өчүүхэн таслал уу?
МЯГМАРЫН САРУУЛ-ЭРДЭНЭ
