ШӨХТГ-тай хамтын ажиллагааны санамж бичиг байгууллаа

 

 

Санамж бичгийн зорилго нь Монгол Улсын \”Хэрэглэгчийн эрхийг
хамгаалах тухай хууль”, \”Өрсөлдөөний тухай хууль”, \”Зар сурталчилгааны тухай
хууль”, \”Төрийн бус байгууллагын тухай хууль”, 2016-2020 онд хэрэгжүүлэх
Хэрэглэгчийн эрхийг хамгаалах үндэсний хөтөлбөр болон Монгол улсын Засгийн
газрын 2016-2020 оны үйл ажиллагааны хөтөлбөрт тусгагдсан \”Төрийн зарим чиг
үүргийг иргэний нийгмийн байгууллага, мэргэжлийн холбоодоор гүйцэтгүүлэх
бодлого баримталж, хэрэгжилтийг хангах эрх зүйн орчинг цогцоор бүрдүүлнэ” гэсэн
заалтуудыг хэрэгжүүлж ажиллахад оршиж байна.

 

• Хэрэглэгчийн эрхийг хамгаалахтай холбогдсон төрийн бодлого
болон хууль тогтоомжийн хэрэгжилтийг улсын хэмжээнд зохион байгуулж, биелэлтийг
шалгах, дүнг мэдээлэх;

• Хэрэглэгчид хэрэглээний соёлын талаар албан бус сургалт
явуулах;

• Хэрэглэгчийн эрхийг хамгаалах тухай хууль тогтоомж зөрчсөн
дүрэм, журмыг өөрчлүүлэх, хүчингүй болгуулах тухай саналыг эрх бүхий
байгууллагад тавих;

• Хэрэглэгчийн гаргасан гомдол, саналыг үндэслэн улсын
мэргэжлийн хяналтын байгууллагын үйл ажиллагааны талаар санал гаргах, түүнийгээ
холбогдох байгууллагад тавьж шийдвэрлүүлэх;

• Барааны чанар, аюулгүй байдал, зах зээлийн үнийн тухай
хэрэглэгчид мэдээлэл, зөвлөгөө өгөх Монгол улсын Засгийн газрын 2016 оны 233
дугаар тогтоолоор баталсан \”Хэрэглэгчийн эрхийг хамгаалах Үндэсний
хөтөлбөр”-ийн хүрээнд хэрэгжүүлэх ажлыг хамтран зохион байгуулах.

•\”Хэрэглэгчийн эрхийг хамгаалах тухай хууль”-ийн хэрэгжилтийг
хангах, хуулийн шинэчилсэн найруулгын төслийг боловсруулах ажлын хүрээнд зах
зээлийн хамтарсан судалгаа хийх , судалгааны үр дүнд дүн шинжилгээ хийж
хэрэглэгчийн эрхийг хамгаалахад чиглэсэн бодлого арга хэмжээг тодорхойлж арга
зүйн зөвлөгөө өгөх.

•Хэрэглэгчийн эрх ашгийг хамгаалах нийгэмлэгүүдийн үндэсний
холбооны гишүүн нийгэмлэгүүдийн зарим ажилтанд холбогдох хуулийн хүрээнд гэрээ
байгуулсаны үндсэн дээр Шударга өрсөлдөөн хэрэглэгчийн төлөө газрын орон тооны
бус улсын байцаагчийн эрх олгох зэрэг ажлуудын хүрээнд хамтран ажиллах юм.