Жил бүр дэлхийд тархины цус тасалдах харвалт буюу тархины шигдээсээр 12 сая тохиолдол бүртгэгддэг бол монгол улсад 100,000 хүн тутамд 290 орчим тохиолдол бүртгэгддэг нас баралтын тэргүүлэх шалтгааны нэг юм. Мөн дэлхий нийтэд жил бүр 55 сая хүн тэнэгрэл өвчнөөр оношлогддог ба энэхүү өвчний эмчилгээнд 1.3 их наяд ам долларыг зарцуулдаг гэсэн тоо баримт байдаг.
Тархины харвалт болон тэнэгрэл өвчний үед хүн амьдралын чанараа эрс алдах эрсдэлтэй буюу бие даан өдөр тутмын амьдралын үйл ажиллагаанд орох, нийгмийн харилцаанд оролцох болон ажил эрхлэх боломжийг алдагдуулдаг. Иймээс эдгээр өвчний хүндрэлийг бууруулах, эмнэлзүйн шинж тэмдгийг богино хугацаанд үр дүнтэй багасгахын тулд цаг алдалгүй эмийн ба мэс заслын эмчилгээ хийхээс гадна өвчтөний амьдралын чанарыг сайжруулах зорилгоор нөхөн сэргээх олон улсын жишигт нийцсэн цогц эмчилгээг зайлшгүй хийх шаардлага үүсэж байна.
Энэ ажлын хүрээнд Дэлхийн 50 гаруй улсын харвалтын дараах болон танин мэдэхүйн чадвар алдагдлын нөхөн сэргээх эмийн эмчилгээний удирдамж болоод зөвлөмжид багтсан Австри улсын Эвер нейро фармын Церебролизин оргинал тарилга бүтээгдэхүүнийг Монгол улсын нөхөн сэргээх эмийн эмчилгээний сонголтод Азифарма ХХК нь дахин нэвтрүүлж 9-р сарын 21, 22-ны өдрүүдэд 100 гаруй эмзүйч, 300 орчим нарийн мэргэжлийн эмч нарыг хамруулсан “Тархины эдийн нөхөн сэргээх эмчилгээний оновчтой шийдэл” сэдэвт олон улсын туршлага солилцох сургалтыг ОХУ-ын эмч, эмзүйч нартай хамтран Европын холбооны мэдрэлийн мэс заслын нийгэмлэгийн нөхөн сэргээх эмчилгээний практик болон ОХУ-ын тархины харвалтын дараах нөхөн сэргээх эмчилгээний практик зэргийг хэлэлцэн амжилттай зохион байгуулж дууслаа.
Цаашид тархины харвалтын дараах болон танин мэдэхүйн чадвар алдагдлын дараах нөхөн сэргээх эмчилгээний тусламж үйлчилгээ илүү үр дүнтэй болж, өвчтөний амьдралын чанарыг мэдэгдэхүйц сайжруулах дэлхийн өндөр хөгжилтэй орнуудын жишигт нийцсэн тусламж үйлчилгээг бид Монголдоо үзүүлэх боломжтой болж байна.
