Амбер Хагермен гэж 9 настай охин 1996 онд Техас мужид хулгайлагдаад удалгүй цогцос нь олдсоноос болж гэр бүлийнх нь санаачлагаар, Amber Alert гэж үндэсний хэмжээний аюулын дохионы систем бүтээгдсэн.
АНУ-д энэ сэрэмжлүүлэг нь арилжааны болон олон нийтийн радио станцууд, интернет радио, хиймэл дагуулын радио,гар утасны мессеж,кабелийн телевизээр онцгой байдлын дохиоллын систем болон хүүхэд алга болсон даруйд тэр даруйд дуут шуудан болон цацагддаг. Хэдэн настай ямар хүүхэд, хаанаас хэрхэн, яаж! сэжиглэж буй этгээд,машин таних тэмдэг гээд маш дэлгэрэнгүй мсж ирдэг. AMBER Alert 
Амбер алерт Google,Facebook-тэй хамтран ажиллаж байна. АНУ-д ирээд хэд хэдэн удаа ийм мсж гар утсанд ирж байсан. Ресторанд сууж байхад эргэн тойронд хүмүүст адилхан дохио ирж байсан. ТВ үзэж байхад гэнэт дундуур нь тасдаад аюулын дохио болоод мэдээлэл ороод ирдэг юм байна лээ. Бас энэ системээрээ эрэн сурвалжилж байсан хүүхэд олдлоо гэсэн таатай мэдээ ч ирдэг.
Манай улс хэдэн үүрэн холбооны компаниуд, интернет, кабел тв, олон нийтийн мэдээллийн сувгуудтайгаа хамтраад ийм систем хийхэд ядах юмгүй л санагдах юм.
Г.Цолмонбаатар /2023 оны 10 сарын 04. АНУ-DC/
