Хууль зүй, дотоод хэргийн яамны Төрийн нарийн бичгийн дарга П.Сайнзориг үүрэгт ажлаасаа чөлөөлөгдөх хүсэлтээ өгчээ. Мөн түүнийг Нийслэлийн засаг даргын орлогч болох хүсэлтийг тавьсан гэв.
Засгийн газрын хуралдаанаар түүний Хууль зүй, дотоод хэргийн яамны Төрийн нарийн бичгийн даргаас чөлөөлөгдөх өргөдлийг хэлэлцэж шийдвэрлэсэн байна.
Тэрбээр 2022 онд ХЗДХЯ-ны Төрийн нарийн бичгийн даргаар томилогдож байсан билээ. Нийслэлийн засаг даргын орлогч болсноор Хотын асуудлыг шийдэхэд хууль зүйн дэмжлэг үзүүлж ажиллана гэв.
Мөн тэрбээр “Тохижилт үйлчилгээний механик ажлыг хөнгөвчлөх, жишээ нь давс цацаж, дэрсэн шүүрээр цэвэрлэдэг, халтиргаа гулгаатай тэмцдэг байдлыг өөрчилнө. Өөрөөр хэлбэл өвлийн улирлын стандарттай болмоор байна. Жишээ нь сэргээгдэх болон төвлөрсөн эрчим хүчийг ашиглаж авто замын дулаанаар хангаж болдог.
Нийслэлийн авто замын түгжрэл, орчны бохирдол, хот төлөвлөлттэй холбоотой хуулийн түгжээтэй байгаа гацааг арилгах, хууль эрх зүйн хүрээнд голчилж ажиллах болно. Цаашдаа хотын аж ахуйд анхаарал хандуулахаас гадна, хотын засаглал, эдийн засгийг бэхжүүлэхэд чиглэж ажиллана. Шинэ Засаг даргатай ярилцана, наад зах нь хөгжлийн бэрхшээлтэй, хүүхдийн эрхийг хангах орчныг бүрдүүлмээр байна. Үүнийг бий болгосон байхад бусдын эрх хангагдах болно” гэлээ.
