Европын холбооны эрдэмтэд 2023 оныг сүүлийн 125 мянган жилийн хугацаан дахь хамгийн халуун жил гэж тодорхойлжээ.
Мөн энэ оны аравдугаар сар түүхэнд байгаагүй хамгийн халуун аравдугаар сар боллоо гэж тэмдэглэсэн байна.
Энэ оны аравдугаар сарын агаарын дундаж температур өнгөрсөн удаа хамгийн халуун гэж тооцогдож байсан 2019 оны аравдугаар сараас 0.4 хэмээр өссөн үзүүлэлттэй гарсан нь дэлхийн дундаж температур үлэмж хэмжээгээр нэмэгдсэн гэсэн үг гэж Европын холбооны “Коперник” цаг уурын байгууллагаас тодорхойлсон байна.
Дэлхийн дундаж температур ингэж нэмэгдэж байгаад хүний нөлөөтэй хүлэмжийн хийн ялгарал, мөн Номхон далайн Эль Нино урсгал нөлөөлж байна гэж эрдэмтэд тайлбарлаж байна.
