УИХ-ын Хянан шалгах түр хорооны “Нүүрсний” сонсголын эхний хоёр өдөрт орон нутгийн “Тавантолгой” ХК-ийн нүүрсний үйл ажиллагаатай холбоотой гурван багц асуудлыг хэлэлцэж байна.
ШИНЖЭЭЧ: “Эрдэнэс Тавантолгой” ХК өрөмдлөгийн тендерийг цахимаар бус уламжлалтаар зохион байгуулсан. Худалдан авах ажиллагаа хуулийн дагуу явагдсан эсэхийг хянасан. “Эрдэнэдрийлинг” ХХК-тай холбоотой зургаан төсөл арга хэмжээнээс захиалагчийн шийдвэр хянан үзэх шатандаа шаардлага хангаагүй оролцогч шалгарсан байна гэдэг дүгнэлт гарсан.
Гүйлгээний баримтаас шалгаад явахад “Эрдэнэдрийлинг” ХХК нь гэрээ байгуулахгүйгээр “Эрдэнэс Тавантолгой” ХК-аас 2.8 тэрбум төгрөгийн гүйлгээг авсан байна. Анх “Ти Ти Жи Ви Ко” ХХК ажил гүйцэтгэхдээ өрөмдлөгийнхөө ажлыг тус компаниар гүйцэтгүүлэн гэж гэрээ байгуулсан. Гэвч санхүүжилт олгохдоо “Эрдэнэс Тавантолгой” ХК гүйлгээ хийсэн.
Журмаараа “Эрдэнэс Тавантолгой” ХК нь “Ти Ти Жи Ви Ко” ХХК руу гүйлгээ хийгээд “Эрдэнэдрийлинг” ХХК санхүүжилт авах ёстой. Тэгэхээр “Эрдэнэс Тавантолгой” ХК тендергүй 2.8 тэрбум төгрөгийн гүйлгээ гаргасан байна.
ШИНЖЭЭЧ: “Чимо” ХХК нь 2008 онд байгуулагдсан, түрээс, барилга, гадаад худалдаа чиглэлээр үйл ажиллагаа явуулдаг компани юм. Тус компани “Эрдэнэс Тавантолгой” ХК-ийн оффисын түрээсийн тендер шалгаруулалтад нийт зургаан удаа шалгарч, тендер шалгаруулалтгүйгээр шууд гэрээ байгуулсан дөрөв, нэмэлт гэрээ хийсэн найм, нийт 7.1 тэрбум төгрөгийн гэрээ байгуулсан байна.
Тендерийг зарлахдаа Сүхбаатарын талбайгаас 240 метрийн дотор байх ёстой гэж заасан. Төв талбайг тойрсон талбайн метр квадратын үнэ 50 мянган төгрөгийн ханштай байна. Хамгийн гол зөрчигдөж байгаа нь тендерийн тухай хууль зөрчигдөж байгаа. Үүнээс болж 2.4 тэрбум төгрөгийн асуудал яригдсан. 2023 оны байдлаар хохирсон зүйл байхгүй.
УИХ-ын гишүүн Г.Ганболд: Шинжээчдээс хохирол гаргасан зүйл ярихыг хүсэж байгаа. Тендер зарлахдаа Сүхбаатарын талбайгаас 250 метрт байрлах гэдэг нь өөрөө зориулчихсан юм байгаа юм.
“Эрдэнэс Тавантолгой” ХК Яармагийн эцэст байрласан ч болно. Ер нь Тавантолгой руу явах ёстой. Хотын том оффист олон хүн байрлаж юу хийдэг юм. Хангамжийн хэдэн хүн л байрлахад болно. Иймэрхүү байдлаар удирдлагууд нь хандаарай.
