Хотын гол болон туслах гудамж замуудын нүхэн эвдрэлийг ойрын өдрүүдэд засварлаж байгаа талаар Нийслэлийн замын хөгжлийн газраас мэдээллээ. Цаг агаар дулаарч байгаа учраас замын хөдөлгөөний ачаалал багатай цагуудад замын нөхөөсийг хийж байгаа аж.
Өнөөдрийн байдлаар Сонгинохайрхан дүүрэг Баянхошууны авто зам, Хүнсчдийн гудамж, Удирдлагын академийн авто зам, Чингисийн өргөн чөлөөний авто замуудын нүхэн эвдрэл засварлах ажил хийгдэж байна.
Өнгөрсөн долоо хоногт Чингэлтэй дүүргийн гол болон туслах гудамж замуудын нүхэн эвдрэл засварлах ажлын хүрээнд Галданбошигтын гудамж, Чингэлтэйн өргөн чөлөөний авто замуудын нүхэн эвдрэл засварлах ажил хийжээ.
