33 дахь удаагийн зуны олимпын наадам долоодугаар сарын 26-аас энэ сарын 11-ний өдрийг хүртэл болж өндөрлөлөө. Дараагийн зуны олимп АНУ-ын Лос Анжелес хотноо зохион байгуулагдана.
2028 оны долоодугаар сарын 14-нд 34 дэх удаагийн зуны олимп нээлтээ хийх бөгөөд мөн сарын 30-ны өдөр хүртэл үргэлжилнэ. Харин паралимпын хувьд наймдугаар сарын 15-27-ны өдрүүдэд болох юм.
Олимпын болон паралимпын 50 гаруй төрлөөр 800 гаруй тэмцээнийг зохион байгуулахаар төлөвлөж байна.
2028 оны олимп нь Лос Анжелес хотод зохиогдож буй гурав дахь олимп болж байгаа бөгөөд ирэх олимпод зориулан шинэ цэнгэлдэх, барилга байгууламж барих шаардлагагүй гэдгийг хотын захиргаанаас мэдэгджээ.
