Программ хангамжийн инженер Б.Болд-Эрдэнэ өөрийн охиныхоо хичээлийг давтуулах зорилгоор Blesson.bbe.mn сайтыг нээжээ. Энэ нь ерөнхий боловсролын хичээлд туслах онлайн давтлагын сайт бөгөөд хүссэн хүүхэд бүр үнэ төлбөргүй ашиглах боломжтой юм байна.
Тус сайтад 1-3 дугаар ангийн Монгол хэл, математикийн хичээлийн даалгавар бий аж. Энэ жил дөрөвдүгээр ангийн хичээлийг программчилж оруулахаар төлөвлөж буй юм байна.
Blesson.bbe.mn сайт руу интернет ашиглан компьютер, утас, таблет гээд бүх төрлийн хэрэгслээр нэвтрэх боломжтой аж. Мөн багш нар ч энэ сайтыг ажилдаа тус нэмэр болохуйц байдлаар ашиглаж болох юм байна.
Хүүхдүүдэд зориулсан боломжууд:
- Хүүхдэд зориулж уйдахааргүй, сонирхолтой байдлаар хичээл дээр сурсан зүйлээ бататгах.
- Дасгал тус бүрд зориулж программчилсан тул алдаатай даалгавар гарч ирэхгүй.
- Одоогоор 1,2,3-р ангийн монгол хэл, математик, англи хэл, компьютер, монгол ёс хүмүүжлийн 120 гаруй даалгавар хичээлийг программчилсан.
- Хичээл дээрээ ойлгоогүй, эргэлзээтэй байгаа хичээлийг сонирхолтой, дахин давтагдахгүй, төсөөтэй дасгал даалгавраар давтуулж, баталгаажуулах.
- Түгжрэлийн цагийг үр бүтээлтэй өнгөрүүлж тухайн өдөр орсон хичээлийн дагуу гар утас, таблет ашиглан давтуулах боломжтой.
Багш нарт зориулсан боломжууд:
- Багш нар гэрийн даалгавар бэлдэхэд өдөр бүр 1-2 цаг зарцуулдаг. Энэ сайтыг ашиглаад 1-10 минутад бэлдэх боломжтой.
- 1-3 дугаар ангийн монгол хэл, математикийн гэрийн даалгавар, шалгалтын материал дасгал бэлдүүлэх боломжтой.
- Бүх дасгал даалгаврыг программ зохиож байгаа тул давтагдахгүй, алдаагүй.
- Бэлдсэн дасгалтай ойролцоо хувилбар дасгал үүсгэх боломжтой.
- Бэлтгэсэн дасгалын үсгийн фонт, хэмжээг том жижиг болгож тохируулан хэвлэх форматдаа тааруулах боломжтой.
