Нийслэлийн Сонгуулийн Хорооноос цаг үеийн байдлаар хэвлэлийн хурал зохион байгуулж мэдээлэл өглөө.
Нийслэлийн Сонгуулийн Хорооны төлөөлөл “Өнөөдөр өглөөний 07:00 цагаас эхэлсэн нийслэлийн сонгогчдын санал хураалт зөрчилгүй, хэвийн үргэлжилж байна.
НИТХ-ын 45 мандатын төлөө 476 нэр дэвшигч, есөн дүүргийн 313 мандатын төлөө 1,081 нэр дэвшигч өрсөлдөж байна. Нийслэлийн 515 хэсгийн хороонд аравдугаар сарын 9-ний өдөр туршилтын тооллого хийхэд зөрчил гараагүй. Харин тооллогын дараа мэдээ дамжуулахад интернэтийн сүлжээ гацаж, удаан дамжуулагдаж байсан.
Нийслэлийн хэмжээнд 5,367 иргэн зөөврийн хайрцгаар саналаа өгөх хүсэлтээ өгснөөс 5,055 сонгогчийн саналыг аравдугаар сарын 10-нд авч, өнөөдөр өглөө саналыг уншуулсан.
Нийт 515 хэсгийн хорооны байранд нам, эвслээс 5,417 ажиглагч сонгуулийг ажиглаж байна. Үүний долоо нь гадаадын ажиглагч.
12:00 цагийн байдлаар нийслэлийн хэмжээнд 157,213 сонгогч саналаа өгч ирц 15.7%-тай байна. Нийслэлийн хэмжээнд 1.1 сая сонгогчтой” гэж мэдээллээ.
