“Монгол Улсын шүүхийн индекс-2023” судалгааны дүнг танилцууллаа.
Нээлттэй нийгэм форумын эрх зүйн хөтөлбөрийн менежер П.Бадамрагчаа “Бид зургаан үндсэн хэмжигдэхүүн, 42 дэд хэмжигдэхүүн, 108 шалгуур үзүүлэлтээр хэмждэг. 2021 оны буюу хамгийн анхны суурь судалгаагаар авч болох 100 онооноос Монгол Улсын шүүх 51.94 гэсэн оноотой байсан. 2023 оны хувьд, 53.22 гэсэн оноо авсан. Эндээс 1.28 онооны ахицтай байна. Хамгийн өндөр ахиц гарсан үзүүлэлт нь шүүгчийн ёс зүй ба хариуцлага. Энэ үзүүлэлт дээр 12 орчим оноогоор ахиц гарсан. Харин шүүхэд итгэх олон нийтийн итгэл 4.77 оноогоор буурсан үзүүлэлттэй байна.
42 дэд хэмжигдэхүүнээс хамгийн бага оноо авсан нь
-
Шүүхийн үр ашгийн төсөөлөл
-
Шүүхийн барилга байгууламжийн асуудал
-
Шүүхийн захиргааны үйлчилгээ
-
Шүүхийн мэдээллийн технологи
-
Эрсдлийн удирдлагын тогтолцоо зэрэг үзүүлэлт байна.
Харин өндөр оноо авсан нь
-
Хэргийн материалтай танилцах боломж
-
Хэрэг шийдвэрлэлтийн хувьд
-
Шүүгчтэй холбоотой гомдлын мэдээллийн ил тод байдал
-
Шүүх хуралдааны нээлттэй байдаг
-
Шүүхийн шийдвэрийн ил тод байдал зэрэг үзүүлэлт багтаж байна.
