Их мастeр Э.Үүрийнцолмон АНЭУ-ын Дубай хотноо болж буй Оюуны олимпын “Хоёртын тоолол” төрөлд 5 минутад 1599 цифр цээжилж, алдаагүй санаснаар Оюуны Олимпын рекордыг шинэчлэн тогтоож, энэ үзүүлэлт нь Гиннесийн рекорд болон бүртгэгдэхээр болжээ. “Хоёртын тоолол” төрөл нь монголчуудын нэрийн хуудас болсон төрөл бөгөөд нас, насны ангилалд эхний байруудыг тэргүүллээ.
Насанд хүрэгчдийн ангилалд:
-
Э.Үүрийнцолмон - Алтан мeдаль/ 1599 цифр/
-
Ц.Оюун-Эрдэнэ - Мөнгөн мeдаль/ 1382 цифр/
-
О.Наранзул - Хүрэл мeдаль /1353 цифр/
Бага насны ангилалд:
-
М.Гэгээн-Оюун - Алтан мeдаль / 873 цифр/
-
Т.Тунгалагжаргал - Мөнгөн мeдаль /786 цифр
-
О.Ирмүүн - Хүрэл мeдаль /570 цифр/
Э.Үүрийнцолмон 2022 онд бага насны Улсын аварга, Дэлхийн аварга, 2023 онд Өсвөрийн дэлхийн аварга, 2024 онд Улсын аварга болсон бөгөөд Дэлхийн 4 рекордыг эзэмшиж байна. Тэрбээр Оюуны олимпын хамгийн залуу аварга, хамгийн залуу Олимпын рeкорд эзэмшигч, хамгийн залуу “Гиннесийн рекорд” эзэмшигч болж байгаа юм.
