![\"\"](http://undesten.mn/uploads/posts/2017-03/1490233011_5707506-3x2-700x467.jpg "\\"\\"")
22-нд Их Британийн нийслэл Лондон хотын Парламентын байрны ойролцоо террорист халдлага болж, цагдаагийн байгууллагын мэдээлснээр, 5 хүн амиа алдаж, 40 хүн шархадсан байна.
Орон нутгийн хэвлэлийн мэдээлснээр, 14 цаг 40 минутын үед, террорист этгээд машин барьж, Лондон хотын төв дэх парламентын байрны ойролцоо Вестминстер гүүрнээс хойш явган хүн дайрч, 3 цагдаа болон олон хүнийг гэмтээсэн байна. Дараа нь тэр машин замын дэргэдэх хашлага мөргөж зогссон боловч хутга барин, хүмүүсийг хөөж, парламентын байшинд орохыг оролджээ. Аюулгүйн хамгаалалтын нэг цагдааг шархдуулсны дараа террорист этгээдийг цагдаа нар буудаж хороосон байна.
Их Британийн ерөнхий сайд Тереса Мей онцгой байдлын комиссыг хуралдуулж, зохицуулах арга хэмжээний талаар зөвшилцжээ. Хурлын дараа тэрээр ерөнхий сайдын ордонд мэдэгдэл гаргаж, энэхүү террорист халдлагыг хатуу зэмлэн буруушааж, энэ бол маш харгис террорист халдлага юм гэжээ.
Халдлага болсны дараа хуралдаж буй парламентын байр болон эргэн тойрны газруудыг битүүмжлэв. Онц шаардлагагүй бол хотын төвийн ойролцоо явахгүй байхыг цагдаагийн газар анхааруулжээ.
