Баянхонгор аймгийн Шинэжинст Сумын Засаг даргын Тамгын газраас 30 сая төгрөгөөр бөхийн дэвжээний хивс авах тухай тендер зарлажээ.
Тодруулбал, 20м *4м харьцаатай нарийн нэхээс бүхий стандарт шаардлагад нийцсэн, 100 хувь хонины ноосон, харшил үүсгэхгүй байх зэрэг үзүүлэлтийг ТЭЗҮ-дээ тусгасан байна. Тооцоолон үзвэл нэг бүхийн үнэ 10 сая төгрөг байх бөгөөд тендерт тусгагдсан өртгийг Орон нутгийн хөгжлийн сангаас гаргах аж.
Тухайн тендерийг гурав хоногийн өмнө буюу энэ сарын 14-ний өдөр зарласан бөгөөд материалыг 2025 оны хоёрдугаар сарын 22-ны өдөр хүртэл хүлээн авах юм байна.
