СҮХБААТАРЫН ТАЛБАЙД: МОНГОЛ ХҮҮХДҮҮД-2025
Олон улсын хүүхдийн эрхийг хамгаалах өдрийн баярын арга хэмжээг энэ жил “Монгол хүүхдүүд” нэрийн дор “Шидэт хотын мөрөөдөл” агуулгатайгаар зохион байгуулна. Энэ жил төв талбайд зөвхөн үзвэр үйлчилгээ, тэмцээн уралдааныг зохион байгуулах бөгөөд талбайн баруун, зүүн тал буюу А.Амарын гудамж болон Жуулчдын гудамжинд худалдаа, хоол хүнсний үйлчилгээг үзүүлнэ.
Баярын онцлох үйл ажиллагаа болох “Magic Dream” диснейн үлгэрийн парадыг анх удаа зохион байгуулна.
Үлгэрийн баатрууд бүхий 150 хүний бүрэлдэхүүнтэй парад Төв цэнгэлдэх хүрээлэн- Энхтайваны гүүр-төв талбай-Төв шуудан-Цэцэг төв-Зоос гоёлын уулзвар-Засгийн газрын ордон-Өргөө-2 кино театрын уулзвар-МУБИС-ийн баруун талын уулзвар-Централ тауэр- төв талбай гэсэн маршрутаар алхана. Баярын өдрөөр тодорхой чиглэлд авто замын хөдөлгөөнийг хааж, хүүхэд багачуудын аюулгүй байдлыг хангах зохицуулалт хийнэ.
THE CORPORATE HOTEL AND CONVENTION CENTRE-Д 17:00 ЦАГТ:
Анир саунд рекордс-оос зохион байгуулж буй “Cinemato” тайлбарт танин мэдэхүйн тоглолт.
CINEMATO тайлбарт танин мэдэхүйн бүх насныханд зориулсан тоглолт нь төсөөлөл, хөгжим, танин мэдэхүйг хослуулсан Монголын анхны поп оркестрын тоглолтыг үзэгчдийн хүсэлтээр дахин үзүүлэх гэж байна.
Disney, Studio Ghibli, DreamWorks-ийн сэтгэл хөдөлгөм аялгууг поп оркестрын хөгжим, нүд баясгаж, дурсамжаар аялуулах алдарт бүтээлүүдийн дүрсүүдтэй хослуулан, хүүхдийн төсөөлөл, мэдрэхүйг хөглөх бөгөөд эцэг эхчүүд хүүхдүүдтэйгээ үзэх боломжтой.
- Үргэлжлэх хугацаа: 90 Минут
- Насны ангилал: 3+
МҮЭСТО-Д 11:00 ЦАГТ.
“Цоглог энтертайнмент”-аас “Харри Поттер ба Гэрэл Сорогчид” хүүхдийн жүжиг тоглоно. Ирсэн хүүхэд бүрд Харри Поттерийн шидэт саваа бэлэглэнэ.
- Үргэлжлэх хугацаа: 90 Минут
- Насны ангилал: 6+
- Тасалбарын үнэ: 45.000₮
Z’TERRA, ZAISAN HILL COMPLEX-Т 15:00 ЦАГТ:
Улаанбаатар хотын хамгийн том задгай талбай болох “Зайсан хилл” цогцолборын 3 давхарт Z’terrace-д Тоглоомын болон Дэлгэцийн дүрүүд амилж, Ид шидийн гайхамшиг биелж хүүхдийн төсөөлөл, мэдрэхүйг хөглөж, эцэг эх, хүүхдийн хамт нэгэн сайхан дурсамжит өдрийг хамтдаа бүтээлцэхэд бэлэн болжээ.
Тоглолтод:
- Mobile legend
- Pubg
- Squid game
- MineCraft
- Шидтэн
- Алиалагч
- Диснейн Үлгэрийн баатрууд
- Аварга Transformers роботууд
- Зураг даруулах хэсэг
Хүүхэд багачууд маань дуртай тоглоомын дүрд хувиран ирж Cosplay тэмцээний супер бэлгийн ялагч болох боломжтой.
- Үргэлжлэх хугацаа: 60 Минут
- Насны ангилал: 3+
- Үзвэрийн төрөл: Жүжиг
- Тасалбарын үнэ: Тасалбар /1хүн/ 49,000₮
