🇲🇳Орхоны хөндий нь эртний төрт улс болох Хүннү гүрний луут хотоос эхлэн, Жужаны Мумо хот, Их Монгол улсын Хархорум хотын нийслэл оршиж байсан, манай Улсын түүх, соёл, шашин төрийн голомт нутаг юм.
🔷Эртний түүхт “Хархорум” хотыг дахин сүндэрлүүлэхийн тулд Монгол Улсын Засгийн газраас 189 мянган га газрыг улсын тусгай хэрэгцээнд авч, хөгжлийн ерөнхий төлөвлөгөөг боловсруулсан.
Шинэ Хархорум хотод 500 мянган хүн оршин суух бөгөөд 285 мянган ажлын байр бий болж бүс нутгийн хөгжлийг тэтгэнэ гэж тооцоолж байна.
🔷Орхоны хөндийд томоохон бүтээн байгуулалтыг сүндэрлүүлэхэд хувийн хэвшил, бизнес эрхлэгчид, хөрөнгө оруулагчдийн дэмжлэг зайлшгүй шаардлагатай. Өнөөдрийн “Хархорум хотоо хамтдаа бүтээе” зөвлөлдөх уулзалтад Монгол Улсын төрийн тэргүүн, улс төр, бизнесийн төлөөлөл, эрдэмтэн судлаачид, иргэд оролцож санал бодлоо солилцлоо.
🔷”Шинэ Хархорум” хотын нийт талбайн 50 хувь нь ногоон байгууламж, 30 хувь нь барилгажих талбай, 20 хувь нь авто зам байхаар төлөвлөсөн.
🔷Хархорум хотыг бүтээн байгуулах хүрээнд нийт 1,500 га талбайд нэг сая гаруй шилмүүст болон навчит мод, сөөг тарьж ургуулна.
Сүүлийн сар гаруйн хугацаанд төр, хувийн хэвшил, түүний дотор уул уурхай, ойн болон модны салбарын 40 гаруй байгууллага, аж ахуйн нэгжийн 800 гаруй хүн 550 гаруй мянган мод тариад байна.
