МҮХАҮТ-ын Удирдах зөвлөл өнөөдөр хуралдаад, Ерөнхийлөгч Л.Төр-Одод итгэл хүлээлгэх боломжгүй гэж үзэж, огцрууллаа.
Түүний оронд түр орлон гүйцэтгэгчээр өмнө нь танхимын ерөнхийлөгчөөр ажиллаж байсан Б.Лхагважавыг томилжээ.
МҮХАҮТ-ын ээлжит бус XXII Их хурлаар Ерөнхийлөгчийг нөхөн сонгох сонгууль 2024.11.28-нд болсон.
Тус танхимын Ерөнхийлөгчийн төлөө МҮХАҮТ-ын гүйцэтгэх захирал Т.Дүүрэн, “Транспаренси интернешнл Монгол” ТББ-ын тэргүүн Л.Төр-Од, “Коёотэ” ХХК-ийн захирал Д.Бямбасайхан, “Урбанек” ХХК-ийн ерөнхий захирал Б.Лхагважав, “Таванбогд” группийн ерөнхийлөгч Ц.Баатарсайхан,Эдийн засагч Б.Лакшми, Монголбрэнд холбооны тэргүүн Ш.Отгон-Өлзий, “Эрх чөлөөг хэрэгжүүлэгч” намын дарга Ш.Төмөрсүх,“Комаг” ХХК-ийн ерөнхий захирал Ц.Майдар нар нэр дэвшиж өрсөлдөхөө албан ёсоор мэдэгдээд байсан юм.
