Засгийн газрын ээлжит хуралдаанаас гаргасан шийдвэрийг Эрүүл мэндийн сайд Ж.Чинбүрэн танилцуулав. Тэрээр Засгийн газар 2027 оныг эрүүл мэндийг хамгаалах жил болгосон гэв.
Мөн өнөөдөр Эрүүл мэндийн даатгалын ерөнхий газрын даргыг томилжээ.
МУИС, Шихи хутаг болон БНХАУ, Тайваньд дээд боловсрол эзэмшсэн. Татварын мэргэшсэн зөвлөх хүн томиллоо. Сайд дараах мэдээллийг өгөв.
-Эрүүл мэндийн даатгалын газар цар тахлаас хойш хараа хяналтгүй болж, ёроолгүй сав мэт болсон. Гэрээний аргаар илүү их санхүүжилт авсан байна. Архаг, цочмог өвчнийг даатгалаар эмчлэхдээ өөр өөр үнийн дүн тавьсан. Хуулийн байгууллагаар шалгуулах боллоо.
ЭМДС-гийн тухай хуульд ковидын үед өөрчлөлт оруулан, санхүүжилтийг их нэмсэн. Гүйцэтгэсэн бол санхүүжүүлнэ гэсэн нь алдаа болов. Хэр зэрэг чанартай гүйцэтгэв гэдгийг харгалзаагүй тул эмнэлгүүд аль болох олон хүнд үйлчлэх гэж уралдсан. 230 мянган зөрчил илэрлээ. 730 завших шинжтэй зөрчил гарсныг ЭМДЕГ илрүүлжээ. Гэхдээ арга хэмжээ аваагүйд их гайхаж байна. Тухайн үед нь шууд зассан бол ийм байдалд хүрэхээргүй байв.
Засгийн газар цаашид боловсрол, эрүүл мэндэд онцгой анхаарна. Эдгээр нь төсвөөс 100 хувь санхүүждэг салбарууд юм. Нийгмийн эрүүл мэндийг дэмжих боллоо. Монгол хүн өвчин туссан ч өнгөрдөг байх ёсгүй. Эрүүл мэндийн салбарынхан өөрийн аав ээж шигээ өвчтөнд хандаж эмчилдэг болох ёстой. Ес зүйн өндөр шаардлагыг тавина. 3.5 саяас дээш цалинтай болгоход анхаарч ажиллана.
Би өчигдөр орой ҮЭ-ийн төлөөлөлтэй уулзлаа. УИХ-ын гишүүн Т.Мөнхсайхан бид хоёр хамт очсон, бид нэлээн удаан ярилцлаа. 2026 оноос эмч нарын цалинг нэмнэ. Гэхдээ наана нь, ЭМДЕГ-аа цэгцлэх хэрэгтэй байна. Эмч нарын цалингийн тогтолцоо багш нарынхаас өөр. Би Үйлдвэрчний эвлэлээс албан шаардлагыг нь хүлээн авсан. Эрүүл мэндийн салбарынхны цалинг үе шаттай ажиллана.
Ерөнхийлөгч уламжлалт анагаах ухааныг дэмжих зарлиг гаргав. энэ их чухал. Монголын уламжлалт анагаах ухаан 1000 жилийн настай, бага зардлаар эмнэлгийн тусламжийг маш сайн хүргэдэг гэдгийг та бүхэн мэднэ. Хануур, зүү, бариа заслын эмчилгээнүүд их ашиг тустай. Өнөөдөр үнэтэй тоног төхөөрөмж шаардаггүй. Европт манай олон эмч энэ чиглэлд ажиллаж, Монголоос түүхий эд татдаг.
