Өнөөдрийн чуулганы нэгдсэн хуралдаанаар УИХ-ын дэд даргыг огцруулж, томилох асуудлыг хэлэлцлээ.
Үндсэн хуулийн Цэцээс УИХ-ын дэд дарга Х.Булгантуяаг Үндсэн хууль зөрчсөн хэмээн дүгнэсэн. Энэхүү үндэслэлээр УИХ-дахь МАН-ын бүлэг түүнийг албан тушаалаас нь огцруулж, Ж.Бат-Эрдэнийг нэр дэвшүүлэх саналыг УИХ-д хүргүүлээд байсан юм.
Ийнхүү тус хуралдаанд оролцсон 99 гишүүний 66 нь буюу 66.7 хувийн саналаар УИХ-ын дэд дарга Х.Булгантуяаг албан тушаалаас нь огцруулж, Ж.Бат-Эрдэнийг томиллоо.
