Шри Ланка улсад сүүлийн жилүүдэд тохиогоогүй үерийн гамшигаас болж нас барагсдын тоо 132 хүрээд байна.
Мөн 176 хүн сураггүй болж, 44 мянга орчим хүн орон гэрээ орхин дүрвэжээ. Анхандаа Дитва хар салхи байсан ч эрчим нь нэмэгдсээр Дитва циклон болсон гамшиг орон даяар 15 мянган айлын байшин сууцыг үгүй хийгээд байна.
Иймд Шри Ланкын засгийн газар олон улсаас тусламж хүсэхийн зэрэгцээ хилийн чанадад байгаа эх орон нэгтнүүдийгээ хандив өргөхийг гуйж байна. Ерөнхий сайд Харини Амарасурия Коломбо хотод дипломатуудтай уулзан, нөхцөл байдлын талаар мэдээлэл өгч, засгийн газруудаас нь тусламж хүсчээ. Тэднээс Энэтхэг улс хамгийн түрүүнд хариу арга хэмжээ авч, тусламжийн хөлөг онгоцнууд илгээжээ. Үүнээс илүү их тусламж ч илгээхэд бэлэн гэдгээ Энэтхэгийн ерөнхий сайд Нарендра Моди мэдэгдсэн байна.
Дитва циклон Бямба гаригийн байдлаар хөрш Энэтхэг рүү чиглэсэн. Гэсэн хэдий ч үерт автсан бүс нутагт хөрсний гулгалтын аюул нүүрлэсээр байна.
