Нийгмийн сүлжээгээр олны танил болсон иргэн О.Осоржамаа 2025 оны 12-р сарын 13-ны өдөр Гэмтлийн эмнэлэгт нас барсан.
Түүний үхлийн шалтгааныг тогтоосон эсэхийг ЦЕГ-аас тодруулахад, Иргэн О.Осоржамаа осгосон байдалтай ГССҮТ-д хүргэгдсэн. Шаардлагатай эмчилгээг хийсэн боловч эмнэлэгт хүргэгдсэнээс хойш арваад хоногийн дараа нас барсан. Үхлийн шалтгааныг тогтоох шинжилгээний хариу одоогоор гараагүй байна” гэв.
Архангай аймгийн харьяат энэ залуу ар гэр, хамаатан садан байхгүй гэж ярьж байжээ. Бусдаас ялгаатай төрснөөрөө нийгэмд адлагдаж, танхай этгээдүүдийн халдлагад хэд хэдэн удаа өртсөн энэ залуугаас сэтгүүлч Г.Алтантүрүү, Чи юунд гомдож байна? гэж асуухад “Бусдын ялгаатай байдлыг хүлээн зөвшөөрдөггүй нийгэмд гомдож байна. Би хэнд ч буруу зүйл хийгээгүй” хэмээн ярьж байжээ.
Түүнийг нутаглуулах ёслолыг буяны үйл ажиллагаа явуулдаг компанийн хамт олон зохион байгуулж, ном ёсны дагуу эцсийн замд үднэ гэдгээ мэдэгдсэн юм.
