Реппер Шон “Дидди” Комбс хоёр удаагийн хүчингийн гэмт хэрэг болон шоронд хоригдох ялыг нь хүчингүй болгохыг хүсэн, давж заалдах шатны хүүхэд хүсэлт гаргажээ. Шүүхийн баримт бичигт дурдсанаар, Комбсынхэргийг шударга бус шүүж, түүний үйлдэл нь гэмт хэрэгт тооцогдох ёсгүй гэж хуульч нь мэдэгдсэн байна.
Улмаар 50 сарын хорих ялыг нь хууль бус, шударга бус гэж буруутган, бүх ялыг нь хүчингүй болгох эсвэл багасгахыг хүсчээ.
Энэ нь Комбсын ял шийтгэлийг багасгах эсвэл цуцлуулах гэсэн түүний өмгөөлөгчдийн ээлжит оролдлого юм. Нью-Йорк хотын прокурорууд уг хүсэлтийн талаар тайлбар өгөхөөс татгалзсан байна.
Энэ оны хавар Комбсын хэрэг олны анхаарлын төвд байсан бөгөөд түүний талаар саяхан “Netflix” дээр реппер 50Cent-ийн бүтээсэн баримтат кино гарсан юм. Түүний хуучин найз бүсгүй дуучин Кэсси Вентураболон “Жэйн Доу” нэрээр мэдүүлэг өгсөн эмэгтэй Комбсын хүчирхийлэлд орсон, албан хүчээр эрэгтэй биеэ үнэлэгчидтэй бэлгийн харьцаанд оруулсан зэргээр шүүхэд гомдол гаргасан юм. Шүүгчдийн бүрэлдэхүүн Комбсыг хамгийн ноцтой хэргүүд нь болох хүний наймаа болон гэмт бүлэглэл байгуулсан гэх хэрэгт буруугүй гэж үзсэн. Гэхдээ биеэ үнэлэлт хийх зорилгоор хүмүүсийг тээвэрлэсэн хоёр хэрэгт буруутайд тооцсон байна.
Шийдвэр гарсны дараа Комбсуг хэргийг буруу хууль хэрэглэн шийдвэрлэсэн гэж үзэж, давж заалдах хүсэлт болон цагаатгах хүсэлт гаргасан ч шүүгч үүнийг хүлээн аваагүй.
Прокурорууд түүнийг дор хаяж 11 жилийн хорих ял авах ёстой гэж үзсэн бол өмгөөлөгчид нь цагдан хоригдсон хугацаагаар тооцож суллахыг хүссэн байна. Эцэст нь шүүгч түүнд дөрвөн жилээс дээш хугацаагаар хорих ял оноож, “сайн үйлс хийж байсан нь өмнөх үйлдлийг чинь арилгадаггүй” гэж хэлжээ.
Комбсын давж заалдах гомдолд шүүгч ял оногдуулах зааврыг дагаж мөрдөөгүй бөгөөд цагаатгагдсан хэргүүдийг ял шийтгэл тогтоохдоо харгалзан үзсэн гэж дурдсан байна. Ял сонсохын өмнө Комбс Кэсси Вентура болон “Жэйн”-ээс уучлалт гуйж, өөрийн үйлдлийг “ичгүүртэй, жигшмээр” хэмээн хүлээн зөвшөөрсөн. Түүнчлэн Комбс бэлгийн хүчирхийлэл, хүчин, бэлгийн мөлжлөгийн талаар олон иргэний нэхэмжлэлтэй тулгарч байгаа юм. Харин түүний төлөөлөгчид бүх буруутгалыг үгүйсгэж, тэр хэзээ ч хэнийг ч бэлгийн хүчирхийлэлд өртүүлж, наймаалцаж байгаагүй гэж мэдэгдсээр байна.
