Нийслэлийн Засаг дарга бөгөөд Улаанбаатар хотын Захирагч Х.Нямбаатар Туулын хурдны замын трасс дагуу ажиллаж байна.
Тэрээр энэ үеэрээ, Туулын хурдны зам цаашлаад Монгол Улсын хөгжлийг гацааж буй нам дагасан бүлэглэлүүдтэй би ясаа цайтал тэмцэнэ. Хөгжлийг эсэргүүцэж байгаа хүмүүсийн ард талд манай намын, нөгөө намын нэр бүхий улс төрчид байна. Луйварчдын ажил гэрийнх нь гадаа очиж тэмцэнэ. УИХ-ын гишүүн С.Цэнгүүний аавын хууль бус барилга дээр очиж эсэргүүцэл үзүүлнэ.
Туулын хурдны зам бол Маршаллын гүүрэн дээгүүр дамнах том бүтээн байгуулалт. Зам бол хөгжил. Хөгжлийг гацаах гэж байгаа хүмүүсийг би хүний өөрийнгүй өдөр бүр лайв хийж зарлана. Надад албан тушаалаа алдана гэх айдас алга.
Амьдралыг албан тасалгааныхаа цонхоор хардаг хүмүүс Улаанбаатарчуудыг утаатай, түгжрэлтэй байлгахыг хүсэж байна.
“Туулаа аваръя” нэртэй шинтаачид бараг бүгдээрээ Туулын голын дагуух үнэтэй орд харшуудыг бариулсан хүмүүс. Туул голын хойд эрэг дээрх “Тэнгэр вилла” хаус хороололд экс ерөнхийлөгч Ц.Элбэгдоржийн хаус хүртэл бий. Туулын хурдны замыг барьчихвал хаус хорооллынхны амгалан тайван байдлыг алдагдана гэж шинтаачдыг хөлсөлж байна.
Туулын хурдны замыг барьснаар Улаанбаатарын түгжрэл 50 хувь буурна.
Намайг ХЗДХ-ын сайдаар ажиллаж байхад нэг өдөр гэнэт намайг хотыг өөд тат гэж хөөж явуулсан. Би ажлаас зугтаж хойш сууж үзээгүй. Тэр дундаа олигархуудаас айж хойш суухгүй. Олигархуудын хаусны өмнө бүтээн байгуулалтыг дэмжих штабууд байгуулна гэв.
