АНУ Ормузын хоолой болон Ираны боомтуудыг бүслээд 24 цаг болж байна. Энэ хугацаанд Ормузын хоолойд байрлуулсан мина цэвэрлэх хамгийн хүнд, эрсдэлтэй ажиллагаа эхэлснийг дэлхийн томоохон хэвлэлүүд мэдээллээ.
АНУ нисдэг тэргээр чирдэг мина илрүүлэх төхөөрөмж, усан доорх дрон, зайнаас удирддаг шумбагч, тусгай мина цэвэрлэх хөлөг ашиглаж эхэлсэн байна. Мөн “USS Frank Peterson”, “USS Michael Murphy” нэртэй хоёр сөнөөгч хөлгийг Ормузын хоолой руу илгээж, мина цэвэрлэх техникүүдийг хамгаалж байгаа юм.
Өнөөдрийн байдлаар АНУ 16–28 орчим мина тавигч хөлгийг устгасан бөгөөд худалдааны хөлгүүдийг нэвтрүүлэх “нарийн аюулгүй коридор” байгуулах ажиллагаа үргэлжилж байна.
Эх сурвалж: CNN
