Гэр хорооллын иргэд урьдчилгаа төлбөргүйгээр орон сууц худалдаж авна

Нийслэлийн агаарын чанарыг сайжруулах зорилгоор Хотын дарга С.Батболд нийслэлийн агаарын бохирдлын түвшингээр дөрвөн бүсэд хуваалаа. Эдгээр хамгийн өндөр бохирдолтой буюу 1,2-р бүсийн нутаг дэвсгэрт байрлах 182.616 өрх ипотекийн зээлд урьдчилгаа төлбөрөө \”Нийслэлийн агаарын бохирдлыг бууруулах орон сууцны сангийн” дэмжлэгээр  бүрэн төлүүлэх боломж бүрдэж байгааг хэллээ.  Хотын хамгийн их бохирдолтой бүс нутаг буюу 1-р бүсэд Сонгинохайрхан, Чингэлтэй, Сүхбаатар, Баянзүрх дүүргийн 51 хорооны 130.706 өрх, 2-р бүсэд Сонгинохайрхан, Хан-Уул, Баянзүрх дүүргийн 51.910 өрх тус тус хамрагддаг бөгөөд энэ бүс нутагт байрлах Баянхошуу, МҮОНРТелевиз, 100 айл орчмын агаар дахь хүхрийн давхар исэл /SO2/ нарийн ширхэгт тоосонцор /PM2.5/-ын агууламжийн хэмжээ агаарын чанарын стандартаас 10-30 давсан тохиолдол удаа дараа бүртгэгдэж байсан Улаанбаатар хотын агаарын бохирдлын голомт  юм. Хотын дарга АББОСС-ийн ач холбогдлыг тодорхойлохдоо:

1.1, 2-р бүсийн яндангийн тоог бууруулах замаар агаарын бохирдолтой бодитой тэмцэх

2.1, 2-р бүсэд амьдарч буй бөгөөд орон сууцны урьдчилгаа төлбөр төлөх боломжгүй иргэдэд ипотекийн зээлийн урьдчилгаа төлбөрийг сангаас төлөх замаар зорилтод иргэдийг хямд өртөгтэй, хөнгөлөлттэй нөхцөлөөр орон сууцанд хамруулах

3.Зогсонги байдалд орсон барилгын салбарт бодит хөрөнгө оруулалт хийх

4.Чөлөөлөгдсөн газарт цэцэрлэг, сургууль, төрийн үйлчилгээний төв, хямд өртөгтөй орон сууц барьж дахин гэр гэр хорооллын бүсийг нэмэгдүүлэхгүй байх нөхцөл бүрдүүлнэ.

Агаарын чанарыг сайжруулах 1, 2-р бүсийн гэр хорооллын оршин суугчид ипотекийн зээлийн урьдчилгаа төлбөрийн дэмжлэгт хамрагдахдаа өөрийн амьдран суугаа хашааны газрын эзэмших /ашиглах, өмчлөх/ эрхээ НӨХГ-т шилжүүлэн газраа  Нийслэлийн Газрын Санд бүртгүүлэх журамтай юм байна.  Мөн банкны зүгээс тавьж буй ипотекийн зээлийн үндсэн шаардлагыг хангасан байхаас гадна, худалдаж авч буй байрны хэмжээ 70м квадратаас илүүгүй, 1м2 –ын үнэ 1.500.000 төгрөгөөс хэтрэхгүй үнэтэй байх шаардлагатай юм.