![\"\"](http://undesten.mn/uploads/posts/2017-06/1497604543_19244038_10213019681668118_675960064_n.jpg "\\"\\"")
2017.06.16-17-ны өдрүүдэд барилга хот байгуулалтын яамны нээлттэй хаалганы өдөрлөг болж байна. Энэ өдөрлөгт Барилгын салбарын нэг цэгийн үйлчилгээ, нийслэлийн газар өмчлөл болон кадастрын албадууд, орон сууц барилга байгууламжтай холбоотой төсөл хөтөлбөрүүд, Монголын томоохон барилгын компаниуд, барилгы ассоциаци, барилгын салбарын төрийн бус байгууллагууд, барилгын яамны нэг цэгийн үйлчилгээ, эрчим хүчний хэмнэлтийн танилцуулга, архив бичиг хэрэг, усны мэдээллүүдийн холбогдох байгууллагууд, цахилгаан, дулаан, үл хөдлөх хөрөнгө зэрэг барилга байгууламжтай холбоотой бүхэн жанжин Сүхбаатрын талбайд өдөрлөгт оролцож байна.
Үүнээс хамгийн анхаарал татахуйц төсөл нь барилга хот байгуулалтын яам, гэр хорооллын дахин төлөвлөлтийн шинэчилсэн үзэл баримтлал, түүнийг хэрэгжүүлэх хэсэгчилсэн инженерийн хангамжийн \”Сервис Центр” төсөл байлаа.
Нэг үгээр Сонгино-Хайрхан дүүргийн 2-р хорооны 200 гаруй өрхийг дэд станцаар халуун дулаан, цэвэр бохирыг шийдэх төсөл юм. Уг төсөлд БХБЯ ихээхэн анхааран ажиллаж байгаа ба гадны зээл тусламж, инженерүүдийн ур ухаан, иргэдийн оролцоо зэрэг хамтын хүчээр хийгдэхэд бэлэн болоод байгаа аж. Одоогоор төслийн ТЭЗҮ хийгдэж байгаа бөгөөд нэгдсэн халуун дулаан, цэвэр бохир усны шийдэлтэй болчихвол:
![\"\"](http://undesten.mn/uploads/posts/2017-06/1497604541_19264981_10213019682548140_614919826_n.jpg "\\"\\"")
– Утаа эрс багасана
– Тухтай амьдарна
– Гэр хорооллын хөгжил цэцэглэнэ
– Үл хөдлөх хөрөнгийн зах зээлд үнэ нь өснө
– Хөрөнгийн эргэлтэнд орно
– Орон сууц, гэр хорооллын үнийн ялгаа арилна
– Инженерчлэл хийгдсэнээр орчны аюулгүй байдал шийдэгдэнэ
гэх мэт давуу тал олонтай. Энэхүү ажлыг хийхэд гэр хорооллын иргэдээс хашааныхаа гадна талд ирсэн цэвэр бохирын системыг гэртээ оруулах, зээл тусламжинд хамрагдах, байшин барилгаа дулаалах зэрэг ажлуудыг хийх юм байна.
Харин энэ мэт үндэсний аюулгүй байдалд нөлөөлөхүйц томоохон төсөл хөтөлбөрт Үндэсний томоохон барилгын компаниудын оролцоог ихээхэн чухалчиж үзэж байгаа бөгөөд төр хувийн хэвшлийн нэгдсэн оролцоотойгоор иргэдийн амьдралд шууд нөлөөлөхүйц төсөл хэрэгжүүлэхэд нээлттэй гэдгийг онцолж байлаа.
БХБЯ-ны Сайд Г.Мөнхбаяр:
Барилгын салбар ийнхүү хувийн хэвшлийн байшингуудруу чиглэж байна. Монгол улсын засгийн газрын хамгийн сүүлийн хуралдаанаар Монгол улсад БНХАУ-с үзүүлсэн буцалтгүй тусламжаар хоёр тэрбум Юань авахаар болсон. Энэ бол барилгын салбарын олон ажлын түлхэц болж байгаа. Хөрөнгө санхүүгийн байдлаас болоод зогсоод байсан ажлууд хөдөлж эхэлнэ.
Гэр хорооллын дахин төлөвлөлтийн асуудал, хувийн байшинг нэгдсэн шугамаар халуун дулаан, цэвэр бохирыг шийдэх нь нийгэмд тулгамдаад байгаа олон асуудлын гарц болж байна.
Мөн БХБЯ-ны нээлттэй хаалганы өдөрлөгөөр хамгийн их анхаарал татаж байсан зүйл бол \”хагардаггүй шил” байлаа. Энэ нь \”Макс Цонх” ХХК-ийн ганжуулсан шилний үйлдвэрийн бүтээгдэхүүн аж. Иргэд дээр нь үсэрч, цохиж, дэвхцэж, шидэж элдэвээр хагалах гэж оролдсон ч хагарахгүй байсан юм. Монголдоо үйлдвэрлэж байгаа, дотоодын 100 хувийн хөрөнгө оруулалттай компани шилэн фасад, вакум цонх зэргийг үйлдвэрлэж дотоодын хэрэгцээгээ бүрэн хангах хүчин чадалтай гэнэ.
![\"\"](http://undesten.mn/uploads/posts/2017-06/1497604547_19206477_10213019681908124_1008291227_n.jpg "\\"\\"")
Шилээр юуг ч хийж болдог болсныг харуулсан байлаа. Иргэд үүнийг ихээр сонирхож, хагалах гэж элдэвээр оролдож байлаа. Нээлттэй хаалганы өдөрлөгт ирсэн хүн бүрийн сонирхолыг татаж байсан юм.
![\"\"](http://undesten.mn/uploads/posts/2017-06/1497604468_1491326257_1471824471_logo1.jpg "\\"\\""){kind=logo}
