Шунахай сайд А.Цогцэцэг дахин залрах уу?

 

 

Засгийн газар огцорсноос улбаалан сүүлийн үед сайдын үүрэг гүйцэтгэгч /СҮГ/
нар албан сэнтийдээ өв залгамжлан суух хүслээ ичиж эрээлхэлгүй хэвлэлээр илэрхийлэх
болсон. Тэдний нэг бол Эрүүл мэндийн сайд А.Цогцэцэг. Салбараа удирдан
ажилласан жил гаруй хугацаанд тэрээр \”Аби даби дү” хэмээн шившлэг хийсэн лугаа сүпер
ажилласан гэнэ. Жирийн иргэд шөнө 3 цагт эмнэлгийн гадаа дугаарлаж маргаашийн шинжилгээний
эрх авах гэж зогсож байхад юуны чинь супер ажиллах вэ гэж сайдын суртал
ухуулгын хуудаст бичээд хариу үйлдэл алга. Мэргэжлийн гэгдэх Ж.Эрдэнэбатын
Засгийн газар \”Сод Монгол групп”-ын ерөнхийлөгч Ц.Анандбазарыг дэндүү эрх
ашгийн зөрчилтэй хэмээн ХХААХҮ-ийн сайдын суудлаа харамласан. Гэвч улс болон
хувийн арьсны эмнэлгийг \”баздаг” А.Цогцэцэгт найр тавьж сайд болгосон нь хожим
нэрийг нь баастаж унах шалтаг болно гэж тэд зүүдлээгүй биз ээ. Засгийн газар
унасан шалтгаануудын нэгд А.Цогцэцэгийн балаг зүй ёсоор орно.  

 

 

Бурууд нүд хурц гэгчээр дэндүү эрх ашгийн зөрчилтэй
түүнийг салбарынх нь эмч, мэргэжлийн байгууллагууд буруушааж эхэлсэн.
Жишээлбэл, Оном сангийн ТУЗ-ын дарга,  Шинжлэх
ухааны доктор Д.Наранбаатар Эрүүл мэндийн сайд А.Цогцэцэгийн хууль бус
шийдвэрүүдийн талаар өнгөрсөн хугацаанд Ерөнхий сайд, Шадар сайд болон холбогдох яамны Тамгын газруудад хандсан ч ямар ч хариу ирүүлээгүй
байна. Тиймээс наймдугаар сарын 5-нд цахим орчинд шууд дамжуулалт хийсэн боловч
төд удалгүй түүний хийсэн facebook live-ийг зохион байгуулалттайгаар устгажээ.
Тэрээр, \”Элэг бүтэн Монгол үндэсний хөтөлбөрийн Эрт
илрүүлэлт, оношлогооны аянтай холбоотой алдаа, мадагийн талаар ноцтой
баримтуудыг олон нийтэд хүргэж байна!  Би 2017 оны 8 дугаар сарын 5-ны 9
цаг 30 минутад  facebook live хийсэн. Олон мэдээлэл өгсөн ч тэр нь устгагджээ.
35 мянган хүнд хүрээд 6,3 минутад 7000 орчим хүн үзсэн гээд бодохоор үнэний ор
их байгаа бололтой. Бичлэгийг устагсан зэргээс тэр бэмбэгнэж буйн илт.
Суудалтайгаа зууран үлдэх гэж байтал энэ мэт явдал гай болж эхэлсэн байх.
Сүүлийн бичлэгээ устгуулахгүй тулд тэрээр 2 хуудсаар зэрэг дамжуулалт явж
байна. Элгээ хайрлая хөтөлбөрийн цахим хуудас, Д.Наранбаатар гэсэн facebook
хуудсаар би та бүхэнд хандсан. Засгийн газрын 122 дугаар тогтоолын дагуу эхний
ээлжид 40-65 насны иргэдэд элэгний В, С вирус илрүүлэх, идэвхжил тодорхойлох
(тоолох) шинжилгээг үнэ төлбөргүй хийхээр болсон билээ.

Тэрээр, \”2017 онд А.Цогцэцэг сайд хөрөнгө орлогын
мэдүүлгээ АТГ-т гаргаж өгсөн талаарх мэдээлэл байна. А.Цогцэцэг \”Өлзий ден”
ХХК-ийг эзэмшдэг, жилийн орлого нь 38.4 сая төгрөг. ХААН, Голомт банканд 2.6
тэрбум төгрөгийн зээлтэй буюу хамгийн их өртэй сайдаар нэрлэгдсэн.  Сайд А.Цогцэцэгийн мэдлийн  \”Өлзий ден” ХХК нийгмийн даатгалын сантай байгуулсан
гэрээгээр батлагдаж байгаа \”Аллергимед” арьс, харшлийн чиглэлийн эмнэлэг шууд
харилцаатай нь Элэг бүтэн Монгол үндэсний хөтөлбөрийн Эрт илрүүлэлт,
оношлогооны аянаар батлагдаж байна. Энэ аяны хүрээнд элэгний С вирусыг эрт
илрүүлэх, тоолох шинжилгээнд өнгөрсөн жил УИХ-аас 4.9 тэрбум төгрөгийг зарцуулахаар
батласан. А.Цогцэцэг  сайдын шунахай
сэдлээс үүдэн элэгний С вирусыг тоолох эрт илрүүлэлтийн аяны ажилд нэлээн
алдаа, дутагдал үүсээд байна.

Арьсны эмнэлэгт та С вирусээ тоолуулах уу?

-Баримт 1.

2017 оны зургадугаар сарын 16-ны албан тоот. Эрүүл
мэнд, нийгмийн даатгалын ерөнхий газрын тэргүүн дэд дарга Ч.Алтанхуягаас аймаг,
дүүргийн эрүүл мэнд, нийгмийн даатгалын хэлтэст явуулсан албан тоот байдаг.
Үүнд 5 дугаар сарын 10-даар ЭМНДЕГ-аас сонгон шалгаруулалт зарлаж, нэг өвчтөнд
шинжилгээг 2 удаа үнэгүй хийх газруудыг тодруулсан. Шалгаруулалтад 30 гаруй
лаборатори оролцсоноос 22 нь тэнцсэн. Тэр 22-оос \”Аллергимед”, \”Бонавита”, \”Гялс”,
\”Марипас” лаборатори сорьц зөөвөрлөх эрхтэй болов. Нэг ч удаа ийм төрлийн
шинжилгээ хийж, ийм үйл ажиллагаа явуулж байгаагүй атал  \”Аллергимед” лаборатори эмнэлэг энэ 22-оос
шилдгийн шилдэгт багтаж улс даяар сорьц тээвэрлэх эрх авсан нь хачирхалтай байгаа
юм. Үнэхээр итгэхэд бэрх зүйл. Мэргэжлийн бид гайхаж байна. \”Аллергимед” бол
өмнө нь нэг ч удаа элэгний С вирус тоолж байгаагүй. Зөвхөн арьс, харшил, гоо
сайхны чиглэлээр үйл ажиллагаа явуулдаг. Өмнө нь нэг ч удаа элэгний чиглэлээр шинжилгээ
хийж байгаагүй атал гэнэт хамелон шиг хувирч элэгний шинжилгээ хийдэг
болчихсон.  Энэ сонгон шалгаруулалтад
оролцохдоо \”Аллергимед” эмнэлэг өндөр шалгуурыг хангаагүй, С вирусыг тоолдог нарийвчилсан
тоног төхөөрөмж байхгүйг бид баримттайгаар батлаж байна. Энэ тоног төхөөрмжийг
2017 оны долдугаар сарын 5-нд АНУ-ын \”Лайфтроник” ХХК-иас авсан байдаг. Хүчин
чадал жижиг, нэг удаа дөрвийг тоолдог аппарат юм. Эднийх тоног төхөөрөмжөө ийм
орой хүлээн авсан атал 6 дугаар сарын 16-нд шилдгийн шилдэг сорьц тээвэрлэгчээр
шалгарчихсан байдаг. Энэ мэдээлэл монголын лабораторуудын нэгдсэн сүлжээгээр
дамжин бидэнд ирдэг. Эндээс харахад сайд А.Цогцэцэгийн мэдлийн \”Аллергимед”
эмнэлэг лаборатрийн сонгон шалгаруулалт явагдаж байхад тоног төхөөрөмжгүй
байсан хэрнээ л С вирусыг тоолох ажилд хэдийнэ шалгарсан нь юуг өгүүлнэ вэ.
Үүгээр ч зогсохгүй Монгол Улсын өрсөлдөөний тухай хуулийн 13 дугаар зүйлийн 13.2.5-д
\”Төрийн захиргааны байгууллага нь өрсөлдөөний зах зээл, нутаг дэвсгэр эсхүл
үйлдвэрлэл, борлуулалтын хэмжээ, барааны нэр төрөл, худалдагч, худалан авагчийн
хүрээгээр хуваарилахад чиглэсэн үйл ажиллагаа явуулахыг хоргилосон” хэмээн
мэдэгдсэн юм. Сайд тэгсэнгүй. Хууль бус үйлдлээ үргэлжлүүлсээр л явна.

Тус эмнэлгийн цахим хуудаст \”Allergy Med эмнэлэг
нь 2014 оны 5 сарын 31-нд нээлтээ хийж Арьсны өвчин, харшил, гоо заслын
оношилгоо эмчилгээний чиглэлээр үйл ажиллагаа явуулдаг”хэмээн тодотгожээ. Бодит
байдал ийм байхад сайдын эмнэлэг болохоор гэнэт ухаан орж элэгний С вирус
тоолох аянд шилдгээр шалгарсан нь АТГ-ынхны сонирхлыг татахгүй байна гэж үү.  

 

 

 

ЭМД-ын сангаас нэг хүний 240 мянган төгрөгийг тухайн эмнэлэгт нь өгдөг

ЭМНДЕГ-аас элэгний вирусийг нэг хүнд хагас автомат
төхөөрөмжөөр тоолбол 80 мянга, бүрэн автомат бол 120 мянган төгрөг байхаар тооцолжээ.
Эрүүл мэндийн даатгалын сангаас тэрхүү мөнгийг нь гаргах юм. Ингэхээр ЭМ-ийн даатгалын
сангаас нэг хүнд 240 мянган төгрөг олгоно гээд бодохоор сайд өөрөө даатгалын
сангаасаа мөнгө гарган өөрийн эмнэлэгтээ мөнгө цуглуулж байна гэсэн үг юм. Энэ
эрх ашгийн зөрчил биш гэж үү.  \”Элэг
бүтэн Монгол” хөтөлбөр нь 2017-2020 он хүртэл хэрэгжинэ. 2018 онд 15-39, 65-аас
дээш насныханд элэгний вирусийн оношилгоо, шинжилгээ эмчилгээг үнэ төлбөргүй
хийх зорилт тавьсан. Хэрэв зэ, сайд А.Цогцэцэг суудалдаа хэвээр үлдвэл энэ
салбарт юу болохыг таашгүй. Иргэдийнхээ эрүүл мэндээр барьцаалан мөнгө босгох
түүний агуу их шуналыг шинэ засгийн тэргүүн тас цохих биз ээ…

А.Сэргэлэн

         Үргэлжлэл бий