Амьдралд хэн тантай хамт үлдэх вэ

 

Насанд хүрэгчдэд зориулсан оройн анги. Багш
сургалтанд сууж байгаа хүмүүст хандаж, нэгэн тоглоом тоглохыг санал болгов. Багш
сайн дураараа нэг сурагч гарч ирэхийг урьж, Ализа самбарын өмнө гарч зогслоо. Багш Ализад өөрийнхөө амьдралд маш чухал
гэж тооцсон 30 хүнийхээ нэрийг бич гэлээ. Тэрээр, гэр бүлийнхэн, хамаатан
садан, найз нөхөд, хамт ажилладаг хүмүүс, хөршүүдийн нэрсийг жагсаан бичлээ.

Багш \”хамгийн чухал биш гэж бодсон гурван
хүний нэрийг арч” гэв. Алика хамт ажилладаг хүмүүсийн нэрийг арилгалаа. Багш
дахин таван нэр арчихыг хүсэв. Ализа хөршүүдийнхээ нэрсийг арилгав. Ингэж
явсаар ээж, аав, нөхөр, хүүгийнх нь нэр самбар дээр үлдсэн байв.

 

Энэ тоглоомыг зөвхөн Ализа тоглоогүй
болохыг ангийнхан нь ухаарч, чимээгүй сууцгааж байлаа. Багш үлдсэн дөрвөн
нэрээс хоёрыг арилгахыг хүсэв. Ализад маш хүнд сонголт байлаа. Гэхдээ л арилгах
учиртай байсан тул эцэг, эхийнхээ нэрийг дарав. Одоо яах вэ гэсэн аятай багш
руу харахад \”Дахин нэгийг арч” гэж хэллээ. Энэ удаа Ализа улам хямран гар нь
чичрэн айж ганц хүүгийнхээ нэрийг арилгаснаа эхэр татан уйлжээ.

Багш Ализаг суудалдаа суухыг хүсэв. Хэсэг
хугацааны дараа \”Яагаад нөхөр гэж. Өсгөж өндийлгөсөн эцэг, эх, тээж төрүүлсэн
хүү тань байхад яагаад нөхрөө үлдээсэн бэ. Та хэзээ ч өөр нөхөртөө болж чадна
шүү дээ” гэж Ализагаас асуухад анги нам гүмд дарагдлаа. Хүн бүр түүний хариултыг мэдмээр байв.
Ализа намуухан дуугаар \”Эцэг эх минь нэг өдөр намайг орхиод явна. Энэ бол хэцүү
үйл явдал. Гэхдээ л хүн бүрт ирдэг тавилан. Миний хүү өсч, том болмогц сурахаар
эсвэл ажил хийхээр, ямар нэгэн шалтгаанаар явна. Түүнд ч бас өөрийн гэсэн
амьдрал бий. Энэ үед надтай хамт амьдралаа үнэнхүү хуваалцах цорын ганц хүн бол
миний нөхөр юм” гэж хариулжээ.

Түүний яриаг сонсож буй суралцагчид
талархан алга ташиж гэнэ. Энэ бол үнэн. Амьдралын ханиа ямагт үнэлээрэй. Дан
ганц нөхөр ч гэлгүй эхнэр ч үүнд багтах юм. Бурхан хоёр сүнсийг нэгтгэсэн тул
эн тэргүүнд уг харилцаагаа тэтгэж, явах нь чамаас, та хоёроос л хамаардаг.