Их мастер А.Энхтуул чансаагаа ахиуллаа

Англи улсын Isle of Man-д
зохиогдсон өндөр зэрэглэлтэй олон улсын тэмцээнд үе, үеийн шатрын дэлхийн
аварга оролцлоо. Энэ тэмцээнд шатрын спортын их мастер А.Энхтуул хоёр дахь
удаагаа уригдан оролцсон юм. Тэрээр өрөг бүртээ их мастеруудтай тоглож, олон
улсын чансаагаа +22.4 оноогоор ахиулан шагналт 6 дугаар байрыг эзэлсэн байна.
Түнтэй дэлхийн аварга Александра Костенюк зэрэгцжээ.

Тэрээр \”Дэлхийн хамгийн
шилдэг шатарчид цугласан уг тэмцээнд хоёр жил дараалан оролцохдоо хоёуланд нь
ОУ-ын чансаагаа ахиулж мөн дараалан шагнал авлаа. Энэ хэцүү, маш хүчтэй
бүрэлдэхүүнтэй тэмцээнд эх орноо нэр төртэй төлөөлж оролцсондоо баяртай байна.
Өгсөж, уруудах үед хамт байдаг гэр бүл болон багш дасгалжуулагч нартаа
хайртай шүү. Тамирчин хүний жаргал, зовлонг үргэлж ойлгон, дэмждэг ЦЕГ -ын
Хамгаалалтын 3-р газрын хамт олон, дэмжигч байгууллагууддаа
баярлалаа. Миний амжилтын замналтай салшгүй холбоотой Сэлэнгэ нутгийн зон олон
болон нутгийн удирдлагууддаа талархал илэрхийлье. Эхний тэмцээн
амжилттай дууслаа. Төлөвлөсөн бүх зорилгоо биелүүлээд харина\”
хэмээн нүүр хуудсаараа мэдээлсэн юм.