Улаанбаатарын угсармал 1077 барилгад дулаан, техникийн шинэчлэл хийх шаардлагатай

Улаанбаатар хотод
1970 оны дунд үеэс 1990 он хүртэл баригдсан 1077 угсармал орон сууц бий. Түүнд 45
462 өрх, нийслэлтийн хүн амын 20 хувь нь амьдарч байна. Дулааны техникийн
шинэчлэл төслийг хэрэгжүүлж чадвал Улаанбаатар хотод одоо байгаа дулааны эх
үүсвэрээр орон сууцны хороолол барих боломж бүрдэх аж.  Энэ нь 3, 4-р хорооллыг хангах хэмжээний дулааны эх үүсвэр юм байна. Мөн
өвлийн улирлын халаалт сайжирснаар ая тухтай амьдрах нөхцөл бүрдэнэ. Дулаан
техникийн шинэчлэл төсөл хэрэгжсэнээр орон сууцны цанаталт, мөөгөнцөр үүсгэдэг гадна хана,
цонхны дулаалга сайжрах, дээврийн ус алдалт багасах, илүү эрүүл орчин бүрдэх,
барилгын гадаад өнгө төрх болон нийслэл хотын өнгө үзэмж сайжирах юм байна. Төслийн
хүрээнд дулааны шугамын болон хэрэглээний алдагдлыг багасгаж, шинээр баригдах
орон сууцнуудыг дулаанаар хангах, гэр хорооллын өрхүүдийг орон сууцанд оруулах боломж нэмэгдэх аж. Мөн угсармал орон сууцнуудын ашиглалтын хугацаа уртсах
зэрэг үр ашигтай юм.

                Дулаан техникийн шинэчлэл
төслийн хүрээнд дараах ажлуудыг үе шаттайгаар хэрэгжүүлнэ. Үүнд, барилгын гадна
ханыг дулаалах, дээврийн засвар шинэчлэлт хийх, хаалга, цонхыг шинэчлэх, зоорийн
давхрын хучилтыг засварлаж шинэчлэх, дулаалах, хуучирч муудсан, бөглөрөл ихээр
бий болсон дотор системийг шинэчлэх, босоо шугамуудыг шинэчлэх, халаах
хэрэгслийг шинэчилж термостат  хаалтууд
суурилуулах юм байна.