Уучилна гэдэг ухааных…

 Байгууллагын соёл

 

Дунд сургуулийн нэг багш сурагчдаа туршилтад  оролцох уу гэж асуужээ. Мэдээж энэ нь \”амьдралын”
гэсэн тодотголтой байсан нь хүүхдүүдийн сонирхлыг ихэд татсан учраас тэд ч
дуртай  нь аргагүй зөвшөөрлөө. Ингээд
багш нь маргааш  хүүхэд бүрт  5 кг төмс болон гялгар уут авчрах даалгавар
өгчээ. Хүүхдүүд багшийнхаа хэлснийг огт ойлгоогүй ч тэдний бүрийн ширээн дээр
төмс болон гялгар уутнууд бэлэн болсон байв. Багш ангидаа ороод \”Та нар  өнөөдрийг хүртэл үзэн ядаж байсан  юм уу, дургүй болсон хүмүүсийнхээ нэрийг нэг,
нэг төмсөн дээр бичээд гялгар уут руугаа хий” гэж хэлэв. Ийн хэлээд удаа ч үгүй
байтал зарим хүүхдийн торонд хэдхэн төмс орсон байхад заримынх  нь бүр дүүрэн болсон харагдана.  Ингээд хүүхдүүд торондоо төмсөө хийж дууссаны
дараа багш  нь \”Одоо та нар тортой төмсөө
явсан газар бүрээ авч явна шүү. Унтахдаа орныхоо хажууд тавьж, автобусанд
суухдаа ч, дэлгүүр явахдаа ч, тэр ч байтугай хичээлдээ ирэхдээ хүртэл авчраарай
гэж” хэлэв. Энэ өдрөөс хойш 7 хоног өнгөрөв. Ингээд тогтсон хугацаа болж
багшийг ангид оров уу үгүй юу л \”Багшаа ийм хүнд ачааг үргэлж барьж  явах надад хэцүү байна. Багшаа төмснүүд
ялзарч эхэлсэн. Би залхаж байна” гэх зэрэг үргэлжилсэн их гомдол хэлжээ. Гэтэл
багш нь  инээмсэглэн \”Аливаа хүнийг
уучлахгүй байх нь тэднийг бус өөрийгөө шийтгэж байгаа хэрэг юм гэдгийг  та нар минь ойлгосон гэж найдаж байна.
Ингэснээр бид уучилна гэдэг нь чиний өөрөө өөртөө хийж байгаа хамгийн сайн зүйл
юм” гэж хэлээд  инээмсэглэжээ.

\”Этүгэн\”-ий соёлоос суралцацгаая

           

Ийм маягийн өгүүллийг \”Этүгэн” их сургуулийн захиргаанаас
гаргаж багш нартаа тараадаг байна. \”Этүгэн” гэсэн цаг тооны бичиг хэвлэн багш
нараа хэрхэн сайн шавь бэлтгэх талаар үргэлж санаа өгч, дан ганц дээд боловсрол
олгохыг чухалчидаггүй нь байгууллагын тогтсон том соёл болжээ. Энэ удаа www.undesten.mn сайтынхан \”Байгууллагын соёл\” буландаа \”Этүгэн\” их сургуулийг онцолж байна.  

 

 

Үүдээр нь ороход
л цагаан халааттай оюутнууд  мэндлэн
угтах нь цаанаа л сайхан. Өөдөөс нь зүгээр л инээмсэглэхээс өөр аргагүй.  Эднийх бас хичээлийн тохилог байртайгаас гадна
оюутны орчин үеийн дотуур байртай, бялдаржуулан, чийрэгжүүлэх төв ч бий. Бас
хамгийн том пирожки тэднийх.

 

Бусад сургуулийн оюутнууд амтанд нь орсон гэдэг. Их
сургуулиудаас хамгийн өндөр барилгатай, Лигт тоглох өөрийн багтай, спортын
цэлгэр заалтай гээд гоё мэдээ эднийд олон бий. Энэ бүхэн тухайн байгууллагын
хүнээ дээдэлсэн соёлуудын хэлбэржилт юм. Их, дээд сургуулиуд ч гэсэн бусдаасаа ялгарах
энэ мэт сайхан онцлогтой болоосой.

Д.Оюун