Өршөөлөөр суллагдагсад хулгай хийж бусдыг айлган сүрдүүлсэн хэрэг гарчээ /видео/

 

 

 

 

Монгол Улсын хэмжээнд нийт 6000 гаруй
хүн ял эдэлж байснаас 3000-ыг нь өршөөлд хамруулж, үүнээс 2000 гаруй нь
суллахаар болсон. Үүний түрүүч болгож өнгөрсөн долоо хоногт нэлээдгүй хоригдлыг
суллаж, тэд ч ард иргэдийг айдаст автуулах болов. \”Гадуур хоригдлууд их
суллагдаж байгаа гэсэн. Болгоомжтой байгаарай” гэсэн захиасыг дунд сургуулийн
хүүхдүүддээ эцэг, эх, эмээ өвөө нар хэлэх болж. Нөгөө талаас өршөөлд хамрагдаад
суллагдаад ирээдүйгээ гэрэлтэйгээр харж байгаа нэг хэсэг байхад нөгөө хэсэг нь
энэ мэт хэрэг төвөг хийж иргэдийг болгоомжлоход хүргэж байна. Бүр Эрдэнэт хотод хоригдлууд үймээн дэгдээж иргэдийг ихээхэн айлгасан хэрэг өнгөрсөн
амралтын өдөр гарсан юм. Суллагдсандаа баярлаж, цэнгэсэндээ тэр үү эсвэл
аагархаж омгорхсондоо тэр үү Эрдэнэт хотын гудамжаар хоригдлууд холхилдож, энд,
тэндэхийн уушийн газар, гудамжинд оройн цаг гэлтгүй дуу
чимээ үүсгэж,
сүүлдээ нудрага зөрүүлсэн хэрэг гарчээ. Иргэдээс гомдлын дагуу очсон цагдаа нар тэднийг өршөөлөөр суллагдсан хоригдлууд болохыг
тогтоосон бөгөөд Дарханыхотын иргэд Эрдэнэт хотод очсон байсныг тогтоосон аж. Мөн цагдаа нарыг шалгалт хийх үед тэднийг эсэргүүцэж,бие биедээ гарсан хүрсэн явдал хүртэл
гарчээ. Мөн өчигдөрхөн өршөөлөөр суллагдсан хоригдлуудын нэг
хамсаатныхаа хамт гудамжинд нэгэн эмэгтэйн автомашинаас цүнхийг нь
суйлж буй гэмт хэргийн бичлэг хяналтын камерт бичигджээ.