Хариуцлагыг хэн хүлээх вэ? Хариуцлагыг АН хүлээнэ

 

УИХ-ын
чуулганы үдээс хойших хуралдаанаар шатахууны
үнийн асуудал, нийлүүлэлтийн хомсдолтой холбоотой асуулгын хариултыг сонссон юм. Үүний дараа шатахууны үнэ, хомсдолын асуудлыг гишүүд
хэлэлцлээ.

УУХҮ-ийн
сайд Д.Сумъяабазар Роснефтийнхэнтэй уулзаж үнийг бууруулах асуудлыг ярилцаж
байгаа гэдгийг дурдлаа. Мөн нефть импортлогч таван компанид зөрчлийн хэрэг
үүсгэсэн тухай мэдээлэл өгч байв. Түүнчлэн таксины албан ёсны зөвшөөрөлтэй 11
компани үнээ нэмээгүй, хуучин үнээр үйлчилж байгааг холбогдох албаныхан хэллээ.

Хэлэлцүүлгийн үеэр хэлсэн зарим
гишүүдийн үгийг хүргэе.

УИХ-ын
гишүүн Г.Тэмүүлэн: Газрын тос
боловсруулах үйлдвэр барихаас өмнө түүхий эдийн найдвартай эх үүсвэр байх нь
чухал. Сүүлийн жилүүдэд газрын тосны хайгуулын ажлыг хийх ажил зогсонги байдалд
орсон, олборлолтыг нэмэх тал дээр анхаарч ажиллах хэрэгтэй.

УИХ-ын
гишүүн Д.Эрдэнэбат: Долоон татварыг
нэмж болохгүй гэхэд инээгээд л нэмсэн. Өнөөдөр бензин 200 төгрөгөөр нэмэгдсэн.
Одоо нефть 300 төгрөгөөр нэмэгдэнэ. Ингээд нийт 500 төгрөгөөр нэмэгдэх болно.
Энэ хариуцлагыг хэн хүлээх юм бэ? Бид ядуу эдийн засагтаа орно. Дизель түлш зөвхөн
Уул уурхайд хамаатай гэж байна. Үгүй, бас ХАА-тай хамаатай. Дараа нь гурилын
үнэ нэмэгдвэл хэн хариуцлагыг нь хүлээх юм бэ?

ЗГХЭГ-ын дарга Г.Занданшатар: Хариуцлагыг АН
хүлээнэ. Та бүхний авсан 18 хүртэл хувийн хүүтэй зээлийг төлөхийн тулд ОУВС-д
орсон юм. Тэгээгүй бол 0,2 хувийн хүүтэй зээлд орж чадахгүй байх байсан. Манай Сангийн яам маш шуурхай ажиллаж ОАТ-ыг тэглэснээр хомсдол, нийлүүлт тогтворжсон.

Сангийн сайд Ч.Хүрэлбаатар: Одоо
шилжилтийн гэмээр энэ үед шатахууны асуудлыг улс төржүүлэх хэрэггүй. Энэ үед
бензиний очер гайгүй, байхгүй байгаа.

УИХ-ын
гишүүн Д.Лүндээжанцан: Шатахуун бол бидний
эд эсийг үхүүлж ирсэн зүйл. Бидний ганц хүсэл бол дотооддоо шатахуун
үйлдвэрлэх. Үнэхээр тэр үйлдвэр танилцуулгатайгаа таарч байгаа эсэхэд хяналт
тавьж ажиллаарай.

УИХ-ын
гишүүн Д.Пүрэвдорж: Энэ асуудал
танай ЗГ-аас болоогүй, татвар нэмсэн нь танай ЗГ-ын буруу биш, ОУВС-гийн буруу.
Ингэж л хэлэхээс. Өнөөдөр \”сэтгэлгүй” Засгийн газрын хийж байгаа зүйл энэ үнийн
зөрүү. Ц.Нямдоржийн машинаар бол 40-хөн машин хасахад энэ зөрүүг бүгдийг нь
төлж болно. Танай Засгийн газар зөндөө сайхан \”сэтгэлтэй” Засгийн газар юм
байна. Харин ОУВС л буруутай юм байна.

ЗГХЭГ-ын дарга Г.Занданшатар: ОУВС-гийн
буруу гэж хэлэээгүй. Энэ өнгөрсөн жилүүдэд дампуурч болзошгүй улс орны жагсаалтад
оруулсан засгийн буруу гэж байна.

Сангийн сайд Ч.Хүрэлбаатар: Энд нэг
залруулга хийе. Бүх орон нутгаар орж ирж байгаа шатахууны татварыг нэмсэн гэж
ойлгоод байх юм. Сүхбаатар, Замын-Үүд, Алтанбулагаар л орж ирж байгаа нефть
бүтээгдэхүүн дээр Онцгой албан татвар байгаа юм шүү.

Я.Хулан