Манай тамирчдын Пёнчаны олимпийн гараа 15-наас эхэлнэ

$\"\"$

\”Пёнчан-2018\” Өвлийн XXIII олимпийн наадмын тамирчдын тосгон хоёрдугаар сарын 1-ний өдөр албан ёсоор нээлтээ хийж, нийт оролцогч 92 орны туг Пёнчан хотын тэнгэр дор мандсан билээ.

БНСУ-ын Үндэсний аюулгүй байдлын хуульд БНАСАУ-ын тугийг мандуулахыг хориглодог заалттай. Гэвч ОУОХ-ноос Олимпийн наадамтай холбоотой бүхий л арга хэмжээнд БНАСАУ-ын тугийг мандуулахыг зөвшөөрснөөр ийнхүү оролцогч бүх орны туг олимпийн тосгонд байршжээ.

$\"undefined\"$

\”Пёнчан-тамирчдын тосгон\” нь цасны спортын тамирчдад зориулагдсан ба нийт 600 өрөө бүхий 15 давхар 8 байртай бол \”Ганнан-тамирчдын тосгон\” нь 922 өрөө тасалгаа бүхий 25 давхар 9 байртай бөгөөд мөсний спортын тамирчид байрлах юм. Хоёр тосгонд нийт 7000 гаруй оролцогчид байрлах хүчин чадалтай.

$\"\"$

Олимпийн наадамд оролцогч тамирчдын тав тухтай байдлыг хангах зорилгоор Олимпийн тосгонд банк, шуудангийн салбар, өргөн хэрэглээний бараа болон Олимпийн наадамд зориулан тусгай дэлгүүр, гоо сайхны газар, фитнесс төв болон чөлөөт цагаа өнгөрөөх газруудыг мөн шинээр бий болгосон байна.

$\"\"$

Тамирчдын хоолны газар нь 24 цагийн үйл ажиллагаа явуулах бөгөөд Солонгос, Европ, Ази, цагаан хоолны 450 гаруй төрлийн хоолноос сонголтоо хийх боломжтой юм.

$\"\"$

Тамирчдын тосгон нээгдсэн өдөр АНУ, Япон, Канад зэрэг 22 улсын 500 гаруй тамирчид хэдийнэ байрлан бэлтгэл сургуулилтаа базааж байна.

$\"\"$

Оролцогч орон тус бүрийн \”Тамирчдын тосгоны туг өргөх ёслол\” энэ даваа гаригаас эхэлсэн бөгөөд Ямайк, Бразил, Румын болон Бельги улсын ёслол эхлэн зохион байгуулагдсан аж.

Харин Монголын баг тамирчдын туг өргөх ёслол хоёрдугаар сарын 7-ны өдөр буюу өчигдөр 15.00 цагт \”Пёнчан тамирчдын тосгон\”-д зохион байгуулагдлаа. Энэхүү ёслолд Монголын баг тамирчид, хүндэт болон дагалдах зочдын хамт ОУОХ-ны хүндэт гишүүн Ш.Магван болон Монгол Улсаас БНСУ-д суугаа Элчин сайд Б.Ганболд тэргүүтэй дипломат ажилтнууд оролцон хүндэтгэл үзүүллээ.

$\"\"$

\”Пёнчан-2018\” өвлийн олимпийн наадам нь хоёрдугаар сарын 9-25-ны өдрүүдэд үргэлжлэх бөгөөд Монгол улсаа төлөөлөн ОУХМ Б.Ачбадрах хоёрдугаар сарын 16-ны өдрийн 15:00 цагт гүйлтийн цанын 15км зайд, ОУХМ Ч. Отгонцэцэг хоёрдугаар сарын 15-ны өдрийн 15:30 цагт гүйлтийн цанын 10км зайд уралдах хуваарьтай байна.

\”ПЁНЧАН-2018\” – МОНГОЛЫН БАГ ТАМИРЧДЫН БҮРЭЛДЭХҮҮН

\”Пёнчан-2018” Өвлийн XXIII олимпийн наадамд Монголын баг тамирчид дараах бүрэлдэхүүнтэй оролцоно.

1. Монголын баг тамирчдын ахлагч – Б.Бат-Эрдэнэ /МҮОХ-ны гүйцэтгэх зөвлөлийн гишүүн, УИХ-ын гишүүн/

Монголын баг тамирчдын ахлагч нь \”Пёнчан-2018” Өвлийн олимпийн наадамд оролцогч орнуудын багийн ахлагч нарын хуралд өдөр бүр оролцож, Олимпийн наадам зохион байгуулах хорооноос гаргасан шийдвэр, зөвлөмжүүдийг үндэслэн баг тамирчдаа ахлан, удирдах ажлыг гүйцэтгэнэ. Мөн Олимпийн наадмын нээлт, хаалтын ажиллагаа болон бусад соёлын арга хэмжээнд оролцоно. Замын зардлыг ОУОХ, байр хоолны зардлыг Олимпийн наадам зохион байгуулах хорооноос хариуцна.

2. Дасгалжуулагч Х.Хаш-Эрдэнэ /ҮШБ-ийн дасгалжуулагч/

Олимпийн наадам зохион байгуулах хорооны бэлтгэл, сургуулилтын хуваарийн дагуу тамирчдаа дасгалжуулж, тэмцээнд оролцуулна.

3. Тамирчин – Ч.Отгонцэцэг /ҮШБ-ийн тамирчин/

02 дугаар сарын 15-ны өдрийн 15:30 цагт гүйлтийн цанын 10км зайд Монгол улсаа төлөөлөн уралдана.

4. Тамирчин – Б.Ачбадрах /ҮШБ-ийн тамирчин/

Олимпийн наадмын нээлт, хаалтын ажиллагаанд Монгол улсын тугчаар ажиллах бөгөөд, 02 дугаар сарын 16-ны өдрийн 15:00 цагт гүйлтийн цанын 15км зайд Монгол улсаа төлөөлөн уралдана.

Дасгалжуулагч, тамирчид нь Олимпийн наадмын нээлт, хаалтын ажиллагаанд жагсан оролцоно. Замын зардлыг БТСГ, байр хоолны зардлыг Олимпийн наадам зохион байгуулах хорооноос хариуцна.

5. Монголын цанын холбооны ерөнхийлөгч – Д.Хишигжаргал – Олимпийн наадмын эхний хоногуудад ажиллах бөгөөд нээлтийн ажиллагаанд оролцоно.

6. Монголын цанын холбооны дэд ерөнхийлөгч – Ч. Гантөмөр – Олимпийн наадмын сүүлийн хоногуудад ажиллах бөгөөд хаалтын ажиллагаанд оролцоно.

Монголын цанын холбооны удирдлагууд нь Олон улсын болон Азийн цанын холбоо, бусад Олимпийн наадамд оролцогч улс, орнуудын цанын холбоодын удирдлага, төлөөлөгчидтэй уулзалт хийнэ. Замын зардлыг Монголын цанын холбоо, Байр хоолны зардлыг Олимпийн наадам зохион байгуулах хороо хариуцна.

7. Монголын багийн штаб – Б.Баяртуяа /МҮОХ-ны гадаад харилцаа хариуцсан нарийн бичиг/

Монголын баг тамирчдын штабыг хариуцан ажиллах бөгөөд Олимпийн наадам зохион байгуулах хорооны мэдээ, мэдээллийг баг тамирчдадаа хүргэж тэмцээн уралдааны техникийн зөвлөгөөнд оролцоно. Мөн орчуулгын ажлуудыг хийж гүйцэтгэнэ. Замын зардал болон байр хоолны төлбөрийг Олимпийн наадам зохион байгуулах хороо хариуцна.

8. Хэвлэл мэдээлэл хариуцсан атташе – А.Ундрал /МҮОХ-ны хэвлэл мэдээлэл, түншлэл хариуцсан нарийн бичиг/

\”Пёнчан – 2018\” Олимпийн наадам зохион байгуулах хорооны хэвлэл, мэдээллийн төвд ажиллаж, олон нийтэд олимпийн наадамтай холбоотой мэдээ, мэдээллийг хүргэнэ. Замын зардал болон байр хоолны төлбөрийг МҮОХ хариуцна.

ПЁНЧАН-2018 ОЛИМПИЙН НААДАМ ЗОХИОН БАЙГУУЛАХ ХОРООНЫ УРИЛГААР

9. БСШУС-ын сайд – Ц.Цогзолмаа

10. БСШУС-ын сайдын спортын зөвлөх – Н.Баярсайхан

БСШУС-ын сайд нь Олимпийн наадмын нээлтийн ажиллагаанд оролцох бөгөөд мөн Олимпийн наадамд оролцогч орнуудын Спортын сайд нартай уулзалтуудыг хийнэ. Замын болон байр хоолны зардлыг БСШУСЯ хариуцна.

ОЛОН УЛСЫН ОЛИМПИЙН ХОРООНЫ УРИЛГААР

11. МҮОХ-ны ерөнхийлөгч – Д.Загдсүрэн

12. МҮОХ-ны ерөнхий нарийн бичгийн дарга – Э.Бадар-Ууган

МҮОХ-ны удирдлагууд нь хамтын ажиллагааны гэрээтэй ажилладаг Үндэсний олимпийн хороод, Олон улсын болон Азийн цанын холбоо, Олон улсын тэшүүр, Биатлоны холбооны удирдлага, төлөөлөгчидтэй уулзалтуудыг хийнэ. Мөн Олимпийн наадам зохион байгуулах хорооноос явуулж буй соёлын болон бусад арга хэмжээнүүдэд оролцоно. Замын зардал болон байр, хоолны төлбөрийг ОУОХ хариуцна.

$\"undefined\"$

$\"\"$

Манай тамирчдын Пёнчаны олимпийн гараа 15-наас эхэлнэ

Related Posts

Шинэ мэдээ