![\"\"](http://undesten.mn/wp-content/uploads/2018/02/1518075832_1385099_454474131328358_1670172688_n.jpg "\\"\\"")
\”2 хүү\” хамтлаг таг чиг болоод удлаа. Гэхдээ тус хамтлагийн Гавана \”ганц дайчин ганцаардахгүй\” гэгчээр хаа нэг шоунд үзэгдэнэ. Үе үехэн Иксэртэйгээ нийлж харагддаг ч тэдний шинэ уран бүтээлийн сураг гараагүй л байна. Хип хопдоо ахмадын тоонд багтах болсон \”ганц дайчин\” Гавана дайчин ардын түүхийг үзэх гэж сэтгэл догдлон хүлээж буйгаа илэрхийлжээ.
Юу гэхээр, Байтаг богдын 10 баатрын тухай кино тун удахгүй олны хүртээл болох гээд энэ сарын 6-наас трейлер нь цацагдаж эхлээд буй. Тэрхүү 10 баатрын нэг нь бодит амьдрал дээрээ Гаванагийн аавын аав буюу өвөө нь байсан гэнэ шүү. Тиймээс л Гавана баатарлаг өвөөгийнхөө бахархам үйл хэргийг үзэж мэдрэх гэж ийн яарч байгаа аж. Тэрээр \”10 баатрын нэг нь хэхэ, манай аавын аав, өвөө минь байсан байнаа. Шууд л сонсоод үзэх хүсэл төрж байна шүү.\” гэжээ.
![\"\"](http://undesten.mn/wp-content/uploads/2018/02/1518075247_0.jpg "\\"\\"")
Монгол улсын торгон хилийг хамгаалж халуун амь, бүлээн цусаа өргөсөн эрэлхэг хилчдийн тухай \”Маш нууц-2\” буюу
\”БАЙТАГ БОГДЫН ТУЛАЛДААН\” уран сайхны кино нь Фантастик продакшн болон JIIJ production Red Point студийн хамтын бүтээл юм.Тэдний шинэ уран бүтээлийг шимтэн үзэх Гаванагийн сэтгэгдэл ямар ч байсан өвөөгийнх нь тухай болохоор өндөр байх нь тодорхой. Харин түүний өвөө хэн нь юм бол?
![\"\"](http://undesten.mn/wp-content/uploads/2018/02/1518075753_10288787_553147581461012_1249196084484863889_n.jpg "\\"\\"")
Я.Хулан
