Чойбалсан суманд \”Хүүхэд хөгжлийн төв\”байгуулагдлаа

Дорнод аймгийн аймгийн орон нутгийн хөгжлийн сангийн хөрөнгөөр хөдөө орон нутгийн  сумын сургуулийн дэргэд хүүхэд хөгжлийн төвийг байгууллаа.Ингэснээр хүүхдүүд сургуулиас гадуур урлаг соёл болон өөрсдийгөө хөгжүүлэх боломж бүрдэж байгаа юм. Аймгийн орон нутгийн хөгжлийн сангийн 25 сая төгрөгний санхүүжилтээр хийгдсэн Хүүхэд хөгжлийн төвийг  Чойбалсан сумын ЕБС-д \”ЦОДММ” компани хүлээлгэн өглөө.1980-аад онд аж ахуйн тооцоон дээр барьсан уг барилга сургуулийн дотуур байрны гал тогооны зориулалтаар ашиглагдаж байгаад сүүлийн жилүүдэд ашиглахаа больсон байсан.Сургуулийн зүгээс аймгийн ИТХ-н төлөөлөгчөөрөө дамжуулан аймаг орон нутагтаа санал хүргүүлснээр ийнхүү дахин шинэчлэн засварлагдаж ашиглагдаж эхлээд байна.  Энхүү хүүхэд хөгжлийн төв ашиглалтанд орсноор тус сумын хүүхдүүд урлаг уран сайхны дугуйлан секцэнд хамрагдах, сурсан мэдснээ бусадтайгаа хуваалцах, хөгжих боломжтой болж байгаа юм. Төвийн нээлтэнд аймгийн Засаг дарга М.Бадамсүрэн оролцлоо.Тэрээр хөгжлийн гол гарц хөдөлгөгч хүчийг бид хүний хөгжил тэр дундаа хүүхдээ хэрхэн хөгжүүлэхээс шалгаална гэж харж байгаа болохоор хүүхдүүдийнхээ оюуны болон урлаг соёлын хөгжил хувь хүний төлөвшилд анхаарч хөрөнгө оруулж байна гэж онцолсон юм.Чойбалсан сумын Ерөнхий боловсролын сургууль 300 гаруй сурагчтайгаар боловсролын үйл ажиллагааг явуулдаг. Энэ сургуульд хичээлээс гадуур хүүхдүүдийнхээ хөгжилд анхаарсан соёл урлаг,амьдрах чадварын олон дугуйлан хичээллэдэг бөгөөд хөгжлийн төвтэй болсноор улам олон ажил хийгдэнэ гэж харж байгаа юм.Улс орон даяар боловсролын тогтолцоонд хүүхэд нэг бүрийн хөгжлийг дэмжих талаар тусгагдан ажиллаж байгаа энэ үед энэ төвийг байгуулсан нь ач холбогдлын хувьд өндөр байгааг боловсролын тогтолцоог нэвтрүүлж,судалж байгаа мэргэжлийн хүмүүс ийнхүү үнэлж байна.Мөн хөдөө орон нутгийн сургуульд мэргэжлийн багш дутагдалтай байгаа ба мэргэжлийн багшаар хангах нь энэ мэт хөгжлийн төвүүдийн хэвийн үйл ажиллагааг хангахад чухал үүрэгтэй юм. Дорнод аймгийн зүгээс бүтээн байгуулалтын хөрөнгө оруулалтын зэрэгцээ орон нутгийнхаа төсөв мөнгөний нөөц боломжоороо нийгмийн болон хүүхдүүдийнхээ хөгжилд энэ мэт хөрөнгө оруулалтыг хийж байна.