Авлигын эсрэг өдрийг 6-хан саяын \”илрүүлэлт\”-тэйгээр угтав

  

 

Өнөөдөр буюу 12
дугаар сарын 9 \”Олон улсын авлигын эсрэг өдөр” билээ. Энэ өдрийг Монгол Улс,
тэр дундаа Авлигатай тэмцэх газар /АТГ/ \”Төсвийн
хөрөнгөөс хууль бусаар гаргасан 6 сая төгрөгийг буцаан төлүүлэв” мэдээтэйгээр тэмдэглэж, басхүү авлигатай
хэрхэн тэмцэж буйгаа илэрхийлэв.

АТГ-аас гаргасан дээрх мэдээлэлд \”Авлигатай тэмцэх газар
Батлан хамгаалах яамны удирдлагуудтай холбоотой иргэнээс ирүүлсэн өргөдөл,
гомдлын мөрөөр хяналт шалгалт явуулав. Тус яамны удирдлагууд нь гадаад улсад албан ёсны айлчлал хийхдээ
өөрийн хамаарал бүхий этгээдийг дагуулан явж, нислэгийн тийзний зардлыг төсвийн
хөрөнгөөс гаргаж шийдвэрлэсэн нь Дипломат байгууллагын тухай хуулийн 5 дугаар
зүйлийн 5.2, Монгол Улсын Ерөнхийлөгчийн 2015 оны 07 дугаар сарын 08-ны өдрийн
119 дүгээр зарлигаар батлагдсан \”Төрийн ёслолын журам”-ын 40 дүгээр зүйлийн
40.6 дахь хэсгийг тус тус зөрчсөн байна.Иймд дээрх зөрчлийг арилгуулах
арга хэмжээ авснаар Батлан хамгаалах яамны төсвийн хөрөнгөөс хууль бусаар
гаргаж шийдвэрлэсэн нийт 6.198.100 төгрөгийг төсвийн орлогод буцаан төлүүлэх
арга хэмжээг авч ажиллав” хэмээжээ.

Үнэндээ АТГ-ыг энэ мэт \”жараахай”-нуудаар
оролдохоос биш 6 тэрбум цаашлаад 60 тэрбумаар нь идэж ууж буй цадахаа мэддэггүй
акул, аварга могой шиг нөхдүүдтэй нь тулж ажиллахгүй байна гэж иргэд хэлдэг
бөгөөд энэ нь ч үнэн болж таарсныг өнгөрсөн хэдэн жилийн үйл явдал нотлон
харуулсан. Тэгэхээр АТГ акул, аварга могойнуудын халаасанд байдаг гэх олны үг
ортой болж таараад байгаа юм. Ийм нөхцөлд ёстой л нөгөө \”авлигачин өөрөө авлигатай тэмцэх
гэхээр аймар хошин санагдсан хэхэ” гэдэг дууны шиг санаанд орж байна.

Юутай ч, АТГ-ын хувьд \”Олон улсын авлигын эсрэг
өдөр” хамгийн том баяр нь байж таарна. Энэ баяраа угтаж хамгийн том ажил
хэрэгжүүлж, тэрхүү ажлынхаа үр дүнгээр \”Олон
улсын авлигын эсрэг өдөр”-тэйгээ золгох ёстой байсан биз. Харин манай 6 сая төгрөгний хэргийг илрүүлсэн амжилттайгаар хамгийн том
баяраа угтлаа. Тэгээд ч авлигачны халаасанд байдаг АТГ нь иргэдийн мэдээллийн
дагуу 6 сая төгрөгний хэрэг илрүүлж, 600 сая байтугай төгрөгөөр санхүүжээд
байгаад байх хэрэг байдаг ч юм уу үгүй ч юм уу.