Өнгөрсөн ням гарагт ОХУ-д Ерөнхийлөгчийн сонгууль болж, өнөөгийн Ерөнхийлөгч В.Путин үнэмлэхүй ялалт байгууллаа. Үүгээрээ тэрээр 2024 он хүртэл ОХУ-ыг удирдхаар болж байгаа юм. Өдгөө зарим нь түүнийг магтан сайшааж бахархан шүтэж байхад зарим нь түүнийг үзэн ядаж байгаа билээ. Энэ удаа бид манай хойд хөршийн төрийн тэргүүн, дэлхийн хамгийн хүчирхэг, нөлөөтэй эрхмийн нэг Владимир Путиний хэлсэн онцлох үгсээс танилцуулж байна.
“Сонгогчдын өмнө надад ичих юм байхгүй. Би энэ жилүүдэд боол шиг л өглөөнөөс орой болтол ажиллалаа”
“Алан хядагчдыг бид газар сайгүй мөрдөж мөшгөх болно. Нисэх буудал, за тэгээд уучлаарай жорлонд бариад авбал тэднийг тэнд нь л нухаж орхино”
“Орос, Украинд Европоос огт өөр сэтгэхүйтэй. Жишээ нь, манайд эмэгтэй хүнийг ресторанд урьсан бол даадаг. Харин Европт урьчихаад тэнцүү хувааж төлдөг”
“Гутранги үзэлтэн коньяк уугаад ярвайн “нэл бясаа үнэртээд байна” гэж үглэдэг. Харин өөдрөг үзэлтэн бясааг хананд няцалж алчихаад үнэртээд “Коньяк үнэртэж байна” гэдэг. Би бясаа үнэртсэн өөдрөг үзэлтэн байснаас коньяк ууж байгаа гутранги үзэлтэн байхыг хүсч байна”
“Бид их гүрэн гэсэн хэргэм авах гээгүй, бид хэний ч ашиг сонирхлыг зөрчөөгүй, хэнд ч яаж амьдрахыг нь зааж өгөх гээгүй”
“Крым хэзээд Орос, Украин, Крымийн Татарын газар нутаг байсан. Харин хэзээ ч Бандеровчуудынх байгаагүй”
“Юу ч болоод, яаж ч муудалцаад, Украин хаашаа ч явсан бай, бид хэзээ нэгэн цагт уулзалдах л болно. Яагаад гэвэл бид нэг ард түмэн”
“Телевизийн камер ажиллах үед бүгд л сайхан харагдахыг хүсдэг. Харин энэ үед толгой нь ажиллахаа больдог”
“Хууль батлах гэж зуу зуун хүн толгойгоо гашилгадаг. Харин энэ хуулийг яаж аргалах вэ гэж сая сая хүн толгойгоо гашилгадаг”
“Хэрэв хүн бүх юманд зуун хувь сэтгэл хангалуун байвал тэнэг хүн гэсэн үг. Эрүүл хүний сэтгэлд бүх юм өв тэгш байна гэж хэзээ ч байхгүй”
“Улс, Засгийн газар нөгөө талаас олигархиуд гэсэн хоёр эвлэршгүй дайсан байдаг гэж би үзэхгүй байна. Улс гартаа ганцхан удаа цохьдог бороохойтой. Гэхдээ толгой дундуур нь. Бид энэ бороохойг дөнгөж гартаа барьсан ч хүмүүс хэдийнэ айгаад эхэлсэн”
“Иракт энхийг сахиулах ажиллагаанд орос цэргүүдээ оруулаач гэсэн саналд би “Бид тэнэг биш” гэж хариулмаар байдаг”
“Бид таргалж, зузаарах тусам хүн амын тоо цөөрч байгаа гэдгийг ойлгоорой”
“Манай телевизээр маш их хүчирхийлэл, бас нөгөө секс гэж нэрлэдэг зүйл гарч байна”
“Тэд манай Үндсэн хуулийг биш харин өөрсдийнхөө тархи толгойг өөрчлөх хэрэгтэй”
“Мафи бол орос үг биш…”
“Өнгөт хувьсгал л гэх юм. Удахгүй цэнхэр хувьсгал гарах байх…”
“Хуулийг аргалах гэж оролдсоноос хуулиа мөрдөж амьдрах нь ашигтай, амгалан гэдгийг бүгд ойлгох ёстой”
“Алдартай эрдэмтэн, зохиолчид гадаадад гараад байна гэж үү? Сайн байна. Энэ чинь манай тархи, ухаан чанартай сайн байна гэсэн үг. Муу байсан бол тэднийг хэн ч авахгүй шүү дээ”
“Мөнгө байхгүй бол дэлгүүр явж чадахгүй. Их буу, пуужин, эм ч худалдан авч чадахгүй. Тийм болохоор эдийн засаг эн тэргүүнд байх ёстой. Эхлээд Карл Маркс, дараа нь Фрейд гэх мэт”
“Энд бид ямар ч туршилт хийхгүй. Хулгана дээр л тэр туршилтаа хийцгээ”
“Засгийн газар, орон нутгийн удирдлагуудыг би Швейцарь цаг шиг ажиллахыг хүсч байна. Сонгуулиас сонгууль хүртэл зогсолтгүй, яг таг”
“Хэрэв цаг хугацааны машин байвал би Санкт Петербург хот яаж баригдсан, эсвэл Эх орны дайнд эцэг өвгөд минь яаж байлдаж, ялж байсныг өөрийн нүдээр хармаар байна. Баримтат кино үзэхээр өөрийн эрхгүй нулимс асгардаг
“Ерөнхийлөгчийн Тамгын газарт 2000 гаруй хүн ажилладаг. Намайг бүгдийг нь хянадаг гэж та нар бодож байна уу? Үгүй. Миний хэвлэлийн төлөөлөгч Дмитрий Песков дээр жишээ авья. Тэр заримдаа хаа хамаагүй юм яриад л, харин би зурагтаар хараад “Энэ юу яриад байна, хэн энэнд ийм үүрэг өгөв” гэж бодох жишээтэй”
“Би уучилж чадна, гэхдээ урван тэрсэлтийг хэзээ ч уучилдаггүй”
“Өөрийнхөө армийг тэжээхийг хүсэхгүй байгаа улс бусдын армийг тэжээх болно”
“Орос орон Өрнө Дорны дунд оршдог биш, Өрнө, Дорно Оросын баруун зүүн талд байдаг юм”
“Мэдлэг бол XXI зууны хамгийн сайн валют”
