Aм яагаад цангадаг вэ? Цусан дахь давсны хэмжээ нэмэгдэх үед тархинд энэ тухай дохио ирдэг аж. Энэ нь ус дутлаа гэсэн үг биш, харин цусан дахь давс гэх мэт зүйлсийн хэмжээ хэт ихэссэн тул усаар шингэрүүлэх шаардлагатай байна гэсэн дохио юм. Ингээд хүн шингэн юм уудаг. Ус ходоод руу ороод тэр дороо шимэгдэн цусанд орно. Цусан дахь усны хэмжээ их болмогцоо давсыг уусгаж улмаар тархинд дохио ирэхээ больдог. Өөрөөр хэлбэл, хүн цангахаа болилоо гэсэн үr.
Ус хаачдаг вэ? Ус цуснаас гарч арьсанд орох ба дараа нь хөлсний булчирхайгаар дамжин ууршиж гадагшилна. Хүний хөлс бол ус ба давсны хольц юм. Усны өөр нэгэн том хэрэглэгч нь бөөр. Бөөрөнд хаягдал зүйлс хуримтлагдаж эдгээрийг ямар нэг аргаар уусгах хэрэгтэй болдог. Ус бөөрөнд очиж хаягдлуудыг өөртөө уусгаад давсагт хүрч улмаар гадагшилна.
ХЭЗЭЭ УС ДУТДАГ ВЭ?
1.Халууцах спортоор хичээллэх. Тухайлбал, халуун наранд гүйхэд ам цангадаг. Ам цангаж байгаа юм бол ус уугаад л болоо юм биш үү? Үгүй энд их том “амьдрал” нуугдаж буй. Гүйж буй хүн дөрвөн литр усыг хөлс болгон асгадаг. Гэтэл хүн богино хугацаанд дөрвөн литр ус уух боломжгүй. Ингээд хүн шингэнээ алдаж эрүүл мэнд нь хохирч эхэлдэг. Тэгэхээр та ямар нэгэн дасгал сургууль хийх гэж байгаа бол ам цангахаас бүр өмнө хүсэхгүй байлаа ч заавал ус уугаарай. Мөн ам цангасан үед хүссэнээсээ илүүг хүчлэн уух хэрэгтэй.
2. Элсэн цөлд. Элсэн цөлд удаан явахад ам хатаж, давчдан, толгой өвдөж, хөл гар таталдаж эхэлдэг. Энэ үед уснаас тун бага балган уух, аль болох зөөлөн хөдөлж, арьсаа усаар шавших буюу нойтон алчуур тавина. Ам цангаж арьс хуурайшин халж, нүүр улайж, толгой эргэж эхэлбэл бие шингэнээ алдсаны шинж
З.Секс. Эмэгтэй хүн элдэвээр өдөж, эр хүн дээд зэргээр өдөөгдөн сэтгэл хөдөлж бачуурах үед ам хатдаг номтой. Хэрэв үүний араас секс хийвэл шингэн алдах тул ус сайн уух хэрэгтэй.
4. Архи, шар айраг. Архи, шар айраг болон хоёр градусаас дээш бүх төрлийн ундаа амны цангааг тайлах нь бүү хэл харин ч шингэн алдалтлыг эрчимжүүлдэг, Улмаар хүн ойрхон шээх замаар шингэнээ алдаж эхэлдэг байна. Цай. кофе, сүү зэрэг нь мөн ийм үйлчилгээтэй. Тэгэхээр хүн ам цангасан үед цэвэр ус ууж байж л цангааг дардаг. Шар айраг уухад өгдөг давстай самар, ер нь давс ихэдсэн юм бүхэн хүний биед туйлын хортой байдгийн учир энэ юм.
5. Хүн асар их хичээл зүтгэл гаргах үед шингэнийг ихээр гадагш ялгаруулдаг. Харин амрах үедээ ус хуримтлуулна. Хэвийн амьдарвал бүх зүйл хэвийн байдаг. Гэтэл эрчтэй ажиллах, ялангуяа шөнийн цагаар ажиллах, эсвэл зугаа цэнгэл хөөвөл шингэн алддаг тул шөнө унтаагүй үедээ аль болох ус их уугаарай.
ЯМАР УС УУХ ВЭ?
1. Ундны ус. Энэ нь булаг шанд, гол мөрөн юм уу, хотын айлуудын хувьд крантны химийн цэвэрлэгээ хийсэн ус юм.
2. Рашаан буюу минераль ус гэдэг нь байгалиас авсан эрдэс давстай ус.
3. Минеральжуулсан ус гэж бий. Энэ нь нэрмэл усан дээр эрдэс давс нэмэхийг хэлдэг. Сүүлийн хоёр төрлийн ус нь тодорхой хэмжээгээр давс агуулдаг тул хүн ундны ус хэрэглэх хэрэгтэй. Өдөрт хоёр литр ус уувал амьдрал үргэлж сайхан байх болно хэмээн зөвлөж эрдэмтэд байна.
