ХОНЬ (3/21-4/19)
Найз нөхдийн зөвлөгөө эсвэл нөлөө бүхий хүний тусламж дэмжлэг ажил үйлийн цаашдын явцад сайнаар нөлөөлөх бололтой. Хайр дурлалын харьцаа ч бүтэмжтэй болох магадлал ажиглагдаж байна. Хүнтэй танилцах эсвэл өмнө нь зүрх сэтгэлийн холбоотой байсан хэн нэгэнтэй уулзаж болзошгүй. Гэр бүлийн харилцаанд туйлын ээлтэй өдөр.
ҮХЭР (4/20-5/20)
Өнөөдөр од эрхэсийн нөлөө амьдралыг чинь адал явдалтай байлгахаас илүү нэгэн хэвийн байлгах болно. Энэ тогтвортой байдал зорилгоо биелүүлэхдээ шинэ сонголт, шинэ санаануудыг олж авахад тань туслах болно. Тэвчээр болон шургуу зан эцэст нь ашгаа өгөх болно. Өөрийн санаа бодлоо болон сонирхлынхоо талаар ярилцах шинэ групп болон холбоонд нэгдэхэд тун тохиромжтой байх болно.
ХАМТАТГАХ (5/21-6/21)
Та гэртээ тав тухтай орчин бий болгоорой. Гэр бүлийн үйл ажиллагаануудад оролц. Хэдий төрөл садан биш ч гэлээ гэр бүлээс өөрцгүй найз нөхөдтэйгөө цагийг өнгөрөөнө. Тайван харилцаа нь ихэнхи хүмүүст тайван амгалан байдлыг авчрах бөгөөд завгүй байсан ч хайртай хүндээ цаг гарга. Бүх боломжийг шалгаж үзээгүй байж бүү хуумгай ханд. Ойр дотны хүмүүстэйгээ асуудлаа шийдвэрлэж гэрийн доторх зүйлсээ шинэчлэх нь тустай байх болно.
МЭЛХИЙ (6/22-7/22)
Энэ өглөө хайрттайгаа орондоо удаан хэвтэх боломж гарвал сайхан байх болно. Өнөөдөр гараг эрхэс сурах судлах болон бүтээлч байх үйл ажиллагаанд сайнаар нөлөөлөх болно. Хэрвээ та гадуур гарч хүмүүстэй уулзахыг хүсвэл өөртэйгөө нийлдэг хүмүүстэй уулзаарай. Өнөөдөр хурдан сэтгэж, боломж бололцоонуудыг ашиглах хурд тань нэмэгдэнэ. Таны хийж буй зүйл чинь үнэхээр таны хүссэн зүйл мөн эсэхийг дахин нэг тунгаан бодоорой. Хэн нэгэн нь таны өөртөө итгэх итгэлийг сулруулахын тулд ямар нэгэн түүх зохиох тул найзуудынхаа хэлсэн бүгдэд бүү итгэ.
АРСЛАН (7/23-8/22)
Хүсэл мөрөөдлийнхөө хойноос явахыг од эрхэс танд уриалж байна. Олон нийтийн өмнө гарах шаардлагатай мэргэжлийг сонгосон бол таныг үзэгчид дуудаж байна. Та үүнийг өөрийн биеэр мэдэрч, өөрт тохирох эсэхээ олж мэд. Өнөөдөр томоохон хэмжээний баяр ёслолын ажиллагаанд их цаг зарцуулах бололтой. Та хэтэрхий биеэ тоосноос болж бусдыг үл хүндлэх байдал гаргаж болзошгүй. Таны авьяас чадварыг од эрхэс тэтгэнэ.
ОХИН (8/23-9/22)
Өнөөдөр гэрээсээ гаралгүй бүх овоорсон ажил болон төсөлдөө анхаарлаа хандуулах хэрэгтэй. Ингэснээр та их сэтгэл хангалуун байдлыг мэдрэх болно. Өнөөдөр судалгаа хийж, сурч мэдэхэд их таатай өдөр бөгөөд таны хувьд хамгийн хэцүү санагддаг байсан сэдэв хүртэл амархан мэт санагдах болно. Хэдийгээр та найз нөхдөөсөө тусламж авахыг хүсэхгүй байгаа ч хэрэгтэй гэж үзвэл тэдэнтэй хамтарч хийвэл илүү ашигтай бүтээлч байж чадна.
ЖИНЛҮҮР (9/23-10/22)
Асуудал тулгарсан ч өнөөдөр өөрийнхөө баяр баяслыг бүү умартаарай. Гэртээ байж, аль болох гэрээсээ битгий цухуй. Таны хувьд өнөөдөр олон нийтийн ажилд оролцох, цуглаанд явах зэрэг нь тохиромжгүй байна. Дотоод амгалан, энх байдлыг өөртөө цогцлоохын тулд бясалгал хийх хэрэгтэй. Уран бүтээлч жинлүүрүүд өндөр бүтээл гарган ажиллана.
ХИЛЭНЦ (10/23-11/21)
Өнөөдөр эд хөрөнгөө сайжруулах оролдлого амжилттай болоод зугаатай байх болно. Хандив цуглуулах үйл ажиллагаа элдэв асуудалгүйгээр болж өнгөрөх бөгөөд тусламж хэрэгтэй хүмүүст зориулсан мөнгө хичнээн их цугларсанд та гайхах болно. Хувийн харилцаа ч гайхалтай сайхан байна. Хэрэв та байшин юм уу машин авахыг хүсч байгаа бол маш сайн наймаа хийх боломжтой. Бусдад сайхан сэтгэгдэл төрүүлэхэд амархан байх бөгөөд та өнөө орой олны өмнө гялалзаж байх хэрэгтэй.
НУМ (11/22-12/21)
Гэр бүлийн тал дээр анхаарлаа хандуулах цаг. Хэрэв та гэрийн чинь тав тухыг нэмэгдүүлэх зүйл хайж байгаа бол хичээнгүйлэн чанартай эд зүйлсийг хямд үнээр авч болох юм гэдгийг мэдэх болно. Гэр бүлийн чухал үйл явдалд зориулж томоохон чармайлт гаргах нь төсвөөс илүү гарах ба тэр байтугай хоорондын харьцаанд хямрал үүсгэнэ. Гэхдээ эцсийн үр дүн түрхэн хугацаанд зовсны хэргийг гаргана. Цэцэрлэгт хүрээлэнгээр тойрон алхах нь сэтгэл сэргээж, ачаалал даах чадварыг нэмэгдүүлнэ.
МАТАР (12/22-1/19)
Уйдаж залхах эсвэл ядаргаатай байхаас зайлсхийхийн тулд өдрийг олон талтайгаар өнгөрөө. Хэдийгээр та бодлоо сарниулахаас зайлсхийх гэж оролдох боловч бүтээлч санаанууд хялбархан орж ирэх болно. Бүх төрлийн харилцаандаа болгоомжтой ханд. Хэрэв бусадтай үл ойлголцол үүсвэл санаачилга гаргаж учрыг нь түргэн ол. Тиймээс томоохон хэрүүл маргаан үүсэх эрсдэлийг багасгахын тулд та аль болохоор биеэ барьж, тайтгарахыг хичээх хэрэгтэй.
ХУМХ (1/20-2/18)
Од эрхэс болоод хаврын наран таны ордыг гэрэл гэгээгээр бялхуулж буй тул таныг тойрон маш их аз жаргал, баяр хөөр байх ба мөн олон нийтийн үйл ажиллагаанд оролцохдоо итгэлтэй байж болно. Өнөөдөр өөрийн хувийн санхүүдээ анхаарч зарцуулалтандаа хязгаарлалт хийх хэрэгтэй. Одоо таны авхаалж самбаа тань өсөж, орлого нэмэгдэх тул банкинд байгаа мөнгөө дуусгахынхаа оронд харин ч үүн дээрээ нэмж мөнгө хий.
ЗАГАС (2/19-3/20)
Өнөөдөр таниас багагүй тэсвэр шаардана. Ямар ч ажил хэрэгт анхаарал болгоомжтой хандах хэрэгтэй. Эрч хүчний илүүдэл таныг сүйтгэж мэдэхээр байна. Ялангуяа найз нөхөдтэйгөө маргалдах, гэр бүлийнхэнтэйгээ зөрчилдөх магадлалтай. Харилцан ярилцаж буй хүнээ анхааралтай сонс. Сэтгэл хөдлөлөө хэвийн хэмжээнд тогтоон барихыг хичээ.
