Нэгэн цаг үед залуусын зүрх сэтгэлийг байлдан дагуулж явсан алдарт “ABBA” хамтлаг 1980-аад оноос хойших анхны дуунуудаа гаргахаар ажиллаж байна. Шведийн дөрвөл хамтлаг энэ талаараа хэлэхдээ, шинэ уран бүтээл бол тэдний гэнэтийн шийдвэр байсан бөгөөд хамтдаа “виртуал бодит байдал” аялал хийхээр төлөвлөжээ.
“Бид дөрөв 35 жилийн өмнөх сайхан дурсамжаа дахин мэдэрч байна. Эргэн нэгдээд студид орох сайхан байна шүү. Яг л тэр үеийнх шиг байна” хэмээн Инстаграмдаа бичжээ.
Шинэхэн дуунууд яг хэзээ шүтэн бишрэгчдийн сонорт хүрэх нь одоогоор тодорхойгүй байгаа ч, “I Still Have Faith In You” дуу нь ирэх 12 дугаар сард бэлэн болж, BBC болон NBC телевизүүдийн тусгай нэвтрүүлгээр орох аж.
Орчуулсан Б.Болормаа
