“Harry Potter” кинонд дүрээ мөнхөлсөн залуу жүжигчин Том Фелтон YouTube сувгаар цацагдах “Origin” шинжлэх ухааны уран зөгнөлт онц сонирхолтой цувралд тоглохоор болжээ.
“Harry Potter”-ийн Драко Малфойн дүрээрээ олны танил болсон тэрээр тус кинонд хамтран тоглосон жүжигчин Наталия Тенагийн хамт шинэ цувралд ажиллах аж. Уг киноны 10 бүлэг цувралын хоёрыг нь Пол ВС Андерсон найруулах юм байна.
“Origin” нь харь гаригт буй сансрын хөлөгт өрнөх хачирхалтай үйл явдлуудын тухай өгүүлэх аж. Хөлгөөс орхигдсон зорчигчид амьд үлдэхийн тулд хамтдаа тэмцэх боловч тэдний нэг нь өөрсдийгөө хэн болохыг мэдэхгүй байгаагаа олж мэдсэнээр үйл явдал улам сонирхолтой болон өрнөх юм байна.
Өмнөд Африкт зураг авалтаа эхлүүлсэн тус цувралд жүжигчин Фрэйзер Жеймс, Филип Кристофер, Мэдалин Хүрчер, Сиобхан Каллен нар тоглох гэнэ.
Энэхүү онц сонирхолтой шинэ бүтээлийг 2014 оны 11-р сараас цацагдаж эхэлсэн, олон тооны кино болон цувралуудыг үзэгчдийн хүртээл болгож буй YouTube-ийн Red захиалгын үйлчилгээгээр үзүүлэх аж. Ингэснээр Америк, Австрали, Өмнөд Солонгос, Мексик, Шинэ Зеландын үзэгчид уг цувралыг үзэх юм байна.
Орчуулсан Б.Болормаа
