“Хамгийн том популист” чинь Г.Уянга биш Ц.Нямдорж юм байна

УИХ-ын гишүүн Г.Уянгааг \”Монгол
Улсын Ерөнхий сайдыг огцруулах тогтоолын төсөл өргөн барьлаа. Популимз хэрээс
хэтэрч байна. Одоо больж үз” гэгчлэнгээр \”харааж, зүхэж” элдвээр бичижх боллоо.
Ер нь популимз хэтрэхээр улс орон хямардаг жишээг бид өнгөрөгч 3 жилийн
хугацаанд хангалттай ойлгож, мэдэрчихсэн болохоор илүү, дутуу үг нуршаад яахав.

Тэгсэн өнөөдөр нэг зүйлийг их
гярхай олж хардаг юм байна. Г.Уянга Ерөнхий сайдтай тэрсэлддэгээрээ тэрсэлдэж,
80-тай өвгөн, 40 хүүхнээрээ дуудалцаж байх хооронд жинхэнэ популист хурал хаяад
гарч одох нь тэр.

 

Хэн бэ гэвэл манай улс төрийн \”том
загас” Ц.Нямдорж УИХ-ын даргад гомдохдоо чуулганы хаяж, дүү нараа дагуулан явж
одсон юм.

 

Уг нь зарим газар нутгийг улсын
тусгай хамгаалалтад авах тухай УИХ-ын тогтоолын төслийн анхны хэлэлцүүлэг
хийгдэж байв. Ноён уулыг нинжа нарт ухуулах уу, төр хамгаалалт даа авах уу
гэдгийг хэлэлцэж байсан гээд ойлгочиж болно. Тэгсэн Ц.Нямдорж гишүүн асуулт
асуухаар болж л дээ. УИХ-ын дарга З.Энхболд \”хэлэлцэж байгаа асуудалтай
холбоотой юм ярина шүү” гэдгийг анхааруулаад микрофоныг нь нээж өгч. Тэгсэн \”том
загас” яаж дуугүй байхад ёстой л \”бурж гарч” л дээ. Тэгэхээр УИХ-ын дарга
хэлсэн ёсоороо түүний микрофоныг хааж, хадуураад байна гэдгийг сануулсан байна.

 

Гэтэл Ц.Нямдорж гишүүн \”үг
хэлэх боломж олгосонгүй” хэмээн гомдож, чуулганы хуралдааныг орхин гарлаа.
Гарах гарахдаа намынхаа дүү нарын картыг суга татаад аваад явчихсанд учир бий.
Картаа сугалуулсан хүмүүс танхимд үг хэлэх, санал хураалтад орох эрхгүй тул
Ц.Нямдоржийг дагаад гарахаас аргагүй байдалд орсон байна. Ингээд л чуулганы
ирцэнд асуудал үүсч, зарим газар нутгийг улсын тусгай хамгаалалтад авах тухай
УИХ-ын тогтоолын төслийн анхны хэлэлцүүлэг хойшлохоор болж байх шиг байна.

Уг нь УИХ-ын дарга Ц.Нямдоржид
зөв л шаардлага тавьсан гэж санагдаад байгаа юм. Хэлэлцэж буй асуудлын дагуу
ярихгүй шал өөр юм яриад байдаг гишүүд их олон бий л дээ. Тэдэнд иймэрхүү
анхааруулга өгч байхгүй бол энэ богино хугацаанд хэлэлцэж амжилгүй тун олон
асуудлыг үлдээх нь байна шүү дээ.

 

Үүнийг улс төрийн \”том загас”
олон жил Төрийн ордонд, чуулганд суусан Ц.Нямдорж гишүүн шиг сайн мэдэх хүн
байхгүй юмдаг. Гэтэл шалихгүй асуудлаас болоод хурал хаяж, бүр хаях хаях даа
намынхаа гишүүдийг дагуулаад гараад явчихсан нь түүний Г.Уянгаагаас том
популист юм аа гэж дүгнэхэд хүргэж байна.

 

МАН-ынхан өнгөрөгч гурван
жилийн хугацаанд ирцээр дарамталж, хэлэлцэх асуудлыг гацаасаар л өнөөдрийг хүрч
байна. Түүний нэгээхэн хэсэг, сонгодог жишээ нь энэ үзэгдэл болой.

 

А.Аюуш