Дуучин Нара буюу бизнесмэн, аж ахуйч М.Нарантуяа өөрийн амьдралын хөгжилтэй болон адал явдалтай, бүр уур уцаартай мөчөө ч цахим орчинд чөлөөтэй хуваалцдаг нэгэн. Түүний энэ шулуун шударга зан зарим хүнд таалагддаг ч, заримынх нь дургүйцлийг хүргэдэг. Нара ч үүнд тэр болгон эмзэглээд байдаггүй ч хааяа хатуухан хариу хэлэх, ширүүхэн харьцаад авдаг тал бий.
Харин энэ удаад Нара нэгэн хөөрхөн лайв хийжээ. Гэхдээ түүний лайв ямар ч дүрсгүй. Учир нь энэ бол Нара болон түүний хүү Бунжаа нарын унтахынхаа өмнө харанхуй өрөөнд өрнүүлсэн яриа юм. Хүүгийн аавын тухай яриа тун чиг гэгээн төсөөлөлтэйн дээр хүү нэлээд хөөрсөн байдалтай ярьж байсан юм.
Бунжаа хүүгийн төсөөллөөр түүний аав дугуйтай, сэлэмтэй, уралдааны машинтай адилхан, нүдний шилтэй, дуулдаг, бас аймар хүчтэй, мундаг зоригтой гэнэ. Дүр төрхийн хувьд, ийм том мөөмтэй, ийм гоё сахалтай гэхчлэн их л олон зүйлийг шулганан байв. Гэвч аав нь нар ирчихээр явчихдаг юм байна. Яагаад гэвэл, аав нь ажил хийдэг гэж тайлбарлалаа. Нойрмогхон байсан ч Нара хүүгийнхээ энэхүү нандин, өхөөрдөм яриаг найзуудтайгаа хуваалцахгүй байж чадаагүй бололтой.
Өхөөрдөм бяцхан үрийнхээ үгсэд уярсан ээж энэ ярианы эцэст нэг зүйлд санаа зовнив. Тэрээр “Ээж хүү 2-ын шөнө дундын яриа нам өрнөөд ёстой явж өгсөөн. Миний аав чинь мундаг хүчтэй, бас ийм гоё дугуйтай, бас ийм том мөөмтэй, бас ийм гоё сахалтай, бас ийм гоё, тийм мундаг гэсэн шулганалтаар шөнийг өнгөрүүлээд өглөө хоёулаа нам хоцроод балравшд.
Мундаг хүчтэй, бас том мөөмтэй аав хаанаас олноо хахаха. Хайрын үр шүү нээрээ.
Бунжаа хүү гэнэт аавын тухай яриад. Тэгээд харанхуйд яриаг нь лайв хийсиймаа. Зарим хүмүүст нэг их хамаагүй тул уурлаж бухимдах шаардлагагүй, зүгээр сайхан унтаж амар. Хүүгийнхээ аавын тухай яриаг сайхан сэтгэлтэй найзууддаа сонирхуулсан юм.” гэжээ.
Бунжаа хүү хаяахан аавыгаа санаад байна гэдгээ ээждээ хэлдэг юм гэнэ лээ.
