Бөхийн төрлүүдийн 2018 оны насанд хүрэгчдийн ЕАШТ дөрөвдүгээр сарын 30-нд ОХУ-ын Каспийск хотод эхэлсэн билээ. 69 дэх удаагийн тэмцээний чөлөөт бөхийн эмэгтэйчүүдийн төрөл тавдугаар сарын 2-4-нд боллоо. Олимпийн хошой мөнгө, нэг хүрэл, ДАШТ-ий алт, мөнгө, хүрэл медальт Азербайжаны нэрт бөх Мария Стадник буурал тивийн аваргад долоо дахь удаагаа түрүүлж, дээд амжилтын эзэн болжээ. Сарын дараа 30 насыг зооглох тэрбээр Каспийскэд нийт дөрвөн барилдаан хийхдээ бүх өрсөлдөгчөө оноогоор цэвэр ялснаас гадна техникийн ганц оноо алдаагүй түрүүлсэн.
Эмэгтэй бөхчүүдээс ЕАШТ-д аваргалсан амжилтаар Станка Златева (Болгар) зургаа, Никола Хартманн (Австри), Наталья Гольц (ОХУ) нар таван түрүүтэй түүний ард бичигддэг. Түүнчлэн хүнд жинд өнгөрсөн жилийн дэлхийн аварга Туркийн Ясемин Адар сүүлийн гурван жил дараалан тивдээ босоо байлаа. Түрэг бүсгүй эзэн орны Екатерина Букина, Беларусийн Василисса Марзалюк, Эстонийн Эпп Мае гээд олимп, дэлхийн медальтай жингийн бүх гол өрсөлдөгчдийг ялж аваргалсан юм. Каспийскэд зохион байгуулагч орон ОХУ хоёр алт, гурван мөнгө, гурван хүрэл медальтай багийн дүнгээр тэргүүлж, Турк (2+0+4), Беларусь (1+2+3) удаалав. Өнөөдөр, маргааш эрэгтэйчүүдийн барилдаан болж, ЕАШТ өндөрлөнө.
ЭМЭГТЭЙЧҮҮДИЙН ДҮН:
50 кг: 1. Мария Стадник (Азербайжан) 2. Эмилия Вук (Румын) 3. Милана Дадашева (ОХУ), Эвин Демирхан (Турк)
53 кг: 1. Стальвира Оршуш (ОХУ) 2. Ванесса Колодинская (Беларусь) 3. Мария Преволараки (Грек), Катаржина Кравчик (Польш)
55 кг: 1. Ирина Курочкина (Беларусь) 2. Роксана Засина (Польш) 3. Мария Гурова (ОХУ), Бедиха Гун (Турк)
57 кг. 1. Биляна Дудова (Болгар) 2. Ирина Ологонова (ОХУ) 3. Эмесе Барка (Унгар), Алена Колесник (Азербайжан)
59 кг: 1. Элиф Есилирмак (Турк) 2. Мими Христова (Болгар) 3. Светлана Липатова (ОХУ), Татьяна Омельченко (Азербайжан)
62 кг: 1. Таибе Юсейн (Болгар) 2. Инна Тражукова (ОХУ) 3. Вероника Иванова (Беларусь), Илона Прокопевнюк (Украин)
65 кг: 1. Петра Олли (Финланд) 2. Элис Манолова (Азербайжан) 3. Кристина Федорашко (Беларусь), Хенна Йоханссон (Швед)
68 кг: 1. Анастасия Братчикова (ОХУ) 2. Кумба Ларрок (Франц) 3. Бусе Тосун (Турк), Мартина Кюнц (Австри)
72 кг: 1. Анна Франссон (Швед) 2. Анастасия Зименкова (Беларусь) 3. Александра Анхель (Румын), Синтия Вескан (Франц)
76 кг: 1. Ясмин Адар (Турк) 2. Екатерина Букина (ОХУ) 3. Василиса Марзалюк (Беларусь), Сабира Алиева (Азербайжан)
ЭРЭГТЭЙЧҮҮДИЙН ДҮН:
57 кг: 1. Георгий Эдишерашвили (Азербайжан) 2. Заур Угуев (ОХУ) 3. Владислав Андреев (Беларусь), Стеван Мичич (Серб)
61 кг: 1. Гажимурад Рашидов (ОХУ) 2. Бека Ломтадзе (Гүрж) 3. Режеп Топал (Турк), Иван Гуйдя (Румын)
65 кг: 1. Гажи Алиев (Азербайжан) 2. Ильяс Бекбулатов (ОХУ) 3. Селахаттин Киличсалаян (Турк) Владимер Хинчигашвили (Гүрж)
70 кг: 1. Магомед Курбаналиев (ОХУ) 2. Магомедмурад Гаджиев (Польш) 3. Зураби Якобишвили (Гүрж), Муртазали Муслимов (Азербайжан)
74 кг: 1. Сонер Демирташ (Турк) 2. Зелимхан Хажиев (Франц) 3. Франк Чамизо (Итали), Андрей Карпач (Беларусь)
79 кг: 1. Ахмед Гажимагомедов (ОХУ) 2. Мартин Обст (Герман) 3. Жабраил Хасанов (Азербайжан), Михали Наги (Унгар)
86 кг: 1. Артур Найфонов (ОХУ) 2. Александр Гостиев (Азербайжан) 3. Сандро Аминашвили (Гүрж), Шамиль Кудиямагомедов (Итали)
92 кг: 1. Абдулрашид Садулаев (ОХУ) 2. Шариф Шарифов (Азербайжан) 3. Сердар Боке (Турк), Кирилл Мешков (Украин)
97 кг: 1. Владислав Байцаев (ОХУ) 2. Александр Гуштын (Беларусь) 3. Нурмагомед Гажиев (Азербайжан), Элизбар Одикадзе (Гүрж)
125 кг: 1. Таха Акгуль (Турк) 2. Гено Петриашвили (Гүрж)3. Роберт Баран (Польш), Жамаладдин Магомедов (Азербайжан)
