Дэлхийн Бөхийн Нэгдсэн Холбоо (ДБНХ)-ноос ирэх жил зохион байгуулагдах томоохон тэмцээний хуваарийг зарлалаа.
Өмнө нь насанд хүрэгчдийн Дэлхийн Аварга Шалгаруулах Тэмцээн (ДАШТ)-ийг Хорватын Загреб хотод ирэх оны есдүгээр сарын 13-наас 21-ныг дуустал болохыг мэдэгдсэн билээ.
Бүх насны ДАШТ-ий хуваарь:
- U17 хүртэлх насны ДАШТ – Грекийн Афинд (Долдугаар сарын 28- Наймдугаар сарын 3)
- U20 хүртэлх насны ДАШТ – Болгарын Софид (Наймдугаар сарын 18-24)
- U23 хүртэлх насны ДАШТ – Сербийн Нови Садад (Аравдугаар сарын 20-26)
- Ахмадын ДАШТ – Унгарын Будапешт (Аравдугаар сарын 7-12)
Түүнчлэн чансааны оноо олгох дөрвөн тэмцээнийг зарлав. ДБНХ-ноос хуваарийг хялбарчлах үүднээс 2027 он хүртэл чансааны тэмцээний зохион байгуулагчдыг өөрчлөхгүй байх шийдвэр гаргажээ.
2025 оны чансаа олгох тэмцээний хуваарь:
- 1st Ranking Series – Хорватын Загреб (Хоёрдугаар сарын 5-9)
- 2nd Ranking Series – Албанийн Тирина (Хоёрдугаар сарын 26-Гуравдугаар сарын 2)
- 3rd Ranking Series – Монголын Улаанбаатар (Тавдугаар 29-Зургаадугаар сарын 1)
- 4th Ranking Series – Унгарын Будапешт (Долдугаар сарын 17-20)
Харин 2028 оны олимпын жилд чансааны оноо олгох тэмцээнийг Хорватын Загреб, Унгарын Будапешт зохион байгуулах аж.
Түүнчлэн ирэх жилийн Азийн АШТ Йорданы Амман хотод болно. Тус тэмцээнийг гуравдугаар сарын 25-наас 30-ныг дуустал үргэлжлэх юм.
