Өнөөдөр өглөө Баянзүрх, Чингэлтэй, Сүхбаатар дүүргийн Эрүүгийн хэргийн шүүхээс С.Баяр, Ч.Сайханбилэг нарын таслан сэргийлэх арга хэмжээг өөрчилж, батлан даалтад гаргах шийдвэр гаргасан. Тэгвэл С.Баяр, Ч.Сайханбилэг нарыг суллуулахгүй гэж прокуророос Чингэлтэй дүүргийн ерөнхий шүүгчид гомдол гаргасан байна. Тиймээс уг гомдлыг хэлэлцэх шүүх хурал өнөөдөр 15:00 цагт товлогдож хэлэлцлээ.
Тэднийг батлан даалтад гаргах шүүгчийн захирамжид хэрвээ шийдвэрийг хүлээн зөвшөөрөхгүй бол гомдол гаргах эрхтэй гэж дурдсан учраас прокуророос хуулийн хүрээнд ийн гомдол гаргажээ.
Чингэлтэй дүүргийн шүүхээс дөнгөж сая прокурорын гомдлыг хэлэлцээд шийдвэрээ гаргасан талаар эх сурвалж мэдээллээ. Тодруулбал шүүх хурлаар С.Баяр, Ч.Сайханбилэг, Б.Бадрал нарын таслан сэргийлэх арга хэмжээг өөрчилж, батлан даалтад гаргасан шүүгчийн захирамж үндэслэл тодорхой бус гэсэн үндэслэлээр уг шүүгчийн захирамжийг хүчингүйд тооцож, прокурорын гомдлыг хангаж шийдвэрлэлээ. Өөрөөр хэлбэл С.Баяр, Ч.Сайханбилэг, Б.Бадрал нарыг тус бүрийн цагдан хорих хугацааг нэг сараар сунгах шийдвэр дахин гаргалаа. Шүүх хуралд дээрх хүмүүсийн өмгөөлөгч нар ирээгүй байна.
Экс Ерөнхий сайд нарыг үргэлжлүүлэн хорих шийдвэр гаргалаа
}
Шинэ мэдээ
